उदयपुरमा बेमौसमी बाढीले भाँचिदियो निर्माणाधीन पक्की पुल

Share this
788shares
मुलुकी खबर
मुलुकी खबर
clock२०८१ चैत २८, बिहीबार १७:४१

विराटनगर । उदयपुरको कटारी नगरपालिका–२ स्थित सिमनापुर र कल्याणपुर जोड्ने पक्की पुल बैमौसमी बाढीले भाँचिदिएको छ ।

मिर्चैया–कटारी–घुर्मी सडक योजनाअन्तर्गत अमाह खोलामा निर्माणाधीन ५० मिटर लामो पक्की पुल हिउँदे झरीपछि आएको बाढीले भाँचिदिएको हो । पानी निकासाका लागि लगाइएको ‘ह्युमपाइप’ले बाढी थेग्न नसक्दा पुलको बीच भाग थुनिएको थियो ।

पुलको स्लाब ढलान २० दिनअघि मात्रै भएको थियो । बुधबार राति आएको सामान्य बाढीले ह्युमपाइप थुनेका कारण पुल भाँचिएको मिर्चैया–कटारी–घुर्मी योजनाका प्रमुख पशुपति ज्ञवालीले बताए ।

उनका अनुसार पुल भाँचिदा १ करोड ५० लाख हाराहारीको क्षतिको अनुमान छ । बाढीले पुर्याएको क्षति इन्स्योरेन्स (बिमा)ले बेहोर्ने छ । ‘माथि ढलान भएको २० दिन मात्रै भएको थियो । २८ दिनमा ‘स्टेचिङ’ गरेपछि पुलले भार थाम्न सक्थ्यो । एक्कासि आएको बाढीले ‘ह्युमपाइप’को मुख थुनेपछि भत्कियो,’ ज्ञवालीले भने ।

उनका अनुसार पुल निर्माण सम्पन्न गरेर असारअघि नै सञ्चालन गर्ने योजना थियो । भत्किएपछि निर्माणावधि थप लम्बिने भएको छ । पुलको माथिको स्लाब भत्किएका कारण स्लाब फेर्नलाई केही समय लाग्ने उनको भनाइ छ । सिद्धिचरण लोकमार्गअन्र्तगत निर्माणाधीन पुलको निर्माण सूर्य कन्सट्रक्सन धरानले गरिरहेको थियो ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.