यस्तो छ आजको मौसम, विभिन्न प्रदेशमा बिहानैदेखि वर्षा

Share this
707shares
मुलुकी खबर
मुलुकी खबर
clock२०८१ चैत २९, शुक्रबार ०६:३१

काठमाडौं । देशका विभिन्न ४ वटा प्रदेशमा आज (शुक्रबार) वर्षाको सम्भावना रहेको मौसम पूर्वानुमान महाशाखाले जनाएको छ । विभिन्न प्रदेशका केही स्थानमा बिहानैदेखि हल्का, मध्यमदेखि भारी वर्षासमेत भइरहेको छ ।

महाशाखाका अनुसार हाल देशमा पश्चिमी तथा स्थानीय वायु र बंगालको खाडीबाट भित्रीरहेको जलवाष्पयुक्त हावाको प्रभाव रहेको छ । जसको असरले देशभर साधरणतयादेखि पूर्णतया बदली रहेको छ ।

कोशी र मधेशका केही स्थान तथा बागमती, गण्डकी र लुम्बिनी प्रदेशका थोरै स्थानहरूमा साथै बाँकी भू–भागका १–२ दुई स्थानमा मेघगर्जन र चट्याङसहित हल्कादेखि मध्यम एवं १–२ स्थानमा भारी वर्षा भइरहेको छ । कोशी, मधेश, बागमती र गण्डकी प्रदेशलगायत देशको पहाडी भू–भागका केही स्थान तथा देशका बाँकी भू–भागका थोरै स्थानहरूमा दिउँसो मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।

कोशी र मधेश प्रदेशको १–२ स्थानमा राति भारी वर्षा हुनसक्ने पूर्वानुमान गरिएको छ । देशको उच्च पहाडी तथा हिमाली भू–भागका थोरै स्थानहरूमा हल्का वर्षा र हिमपातको सम्भावना रहेको महाशाखाले जनाएको छ ।

वर्षाका कारण देशव्यापी रहिरहेको तुँवालो र वायु प्रदूषण क्रमिक रुपमा कम हुँदै गइरहेको छ । मौसममा हुने गडबडीका कारण स्वास्थ्य, दैनिक जनजीवन, कृषि, सडक तथा हवाई यातायातमा समेत प्रभाव पर्न सक्ने महाशाखाले उल्लेख गरेको छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.