नेपालका हिमाल आरोहण गर्न ४९७ जनाले लिए अनुमति

Share this
634shares
मुलुकी खबर
मुलुकी खबर
clock२०८२ बैशाख १, सोमबार १९:०२

काठमाडौं । वसन्तकालीन याममा नेपालका विभिन्न हिमाल र पिक आरोहण गर्नका लागि हालसम्म ४ सय ७५ जनाले अनुमति लिएका छन् । ५४ आरोही समूहका ९९ महिला र ३ सय ९८ जना पुरुषले आरोहण अनुमति पाएका हुन् ।

अनुमति पाउनेमा नेपाली र विदेशी नागरिक छन् । विश्वकै सर्वोच्च शिखर सगरमाथा आरोहणका लागि बिहीबारसम्म २२ आरोही समूहका ३८ महिला र १ सय ७८ पुरुष गरी कूल २ सय १४ जनाले अनुमति लिइसकेका छन् । अनुमति पाएका आरोहीहरु धमाधम गन्तव्यतर्फ लागिरहेका छन् ।

पर्यटन विभागले २०८१ चैत तेस्रो सातादेखि सगरमाथा आरोहण अनुमति दिन सुरु गरेको थियो । नेपालसहित ३१ मुलुकका नागरिकले सगरमाथा आरोहणको अनुमति लिएको विभागका निर्देशक आरती न्यौपानेले बताइन् ।

विभागले हालसम्म सगरमाथासहित विभिन्न १७ हिमाल आरोहणका लागि ‘एक्सपीडिसन पर्मिट’ जारी गरेको छ । आरोहण गर्न चाहने र अनुमति लिनेबाट हालसम्म ३६ करोड ५८ लाख १५ हजार २७ रूपैयाँ राजस्व संकलन भएको छ ।

सगरमाथाबाट मात्रै ३१ लाख ६९ लाख ८६ हजार २८ रकम उठेको हो । सगरमाथा आरोहणका लागि खुम्बुदेखि आइसफलसम्मको बाटो निर्माण सम्पन्न भएको छ । आइसफलका डाक्टरहरुले खुम्बु आइसफल हुँदै ‘रुट फिक्सिङ’ पूरा गरेको न्यौपानेले बताइन् ।

सगरमाथाको आधार शिविरदेखि दोस्रो शिविरसम्म बाटो निर्माणका लागि सगरमाथा प्रदूषण नियन्त्रण समिति (एसपीसीसी)ले बाटो बनाउने ‘आइसफल डाक्टर’ खटाएको थियो । यो सिजनका लागि १० जनाको टोली खटाइयो ।

वसन्त ऋतु सगरमाथासहितका हिमाल आरोहणका लागि उपयुक्त मौसम मानिने पर्यटन विभागले जनाएको छ । वसन्तकालीन यामममा सगरमाथासहित विभिन्न हिमाल र पिक आरोहणका लागि उल्लेख्य संख्यामा विदेशी पर्यटक नेपाल आउने गरेका छन् ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.