नारायणी नदीले बगाउँदा एउटै परिवारका २ बालक बेपत्ता

Share this
641shares
मुलुकी खबर
मुलुकी खबर
clock२०८२ बैशाख ३, बुधबार ०८:५७

बुटवल । नारायणी नदीले बगाउँदा एउटै परिवारका २ बालक बेपत्ता भएका छन् । पूर्वी नवलपरासीको मध्यविन्दु नगरपालिकामा घटना भएको हो ।

नदीमा पौडी खेल्ने क्रममा मध्यविन्दु–१२ तमासपुरका धनन्जय पौडेलका छोरा १६ वर्षीय विजय पौडेल र हरि पौडेलका छोरा १२ वर्षीय पवन पौडेल बेपत्ता भएको वडाध्यक्ष कान्ताप्रसाद कुमालले जानकारी दिए । धनन्जय र हरि दाजुभाइ हुन् ।

‘एउटै परिवारका दाजुभाइका छोरा पौडी खेल्न गएछन् । पौडी खेल्ने क्रममा नारायणी नदीले बगाएर बेपत्ता बनाएछ,’ वडाध्यक्ष कुमालले भने । उनका अनुसार मंगलबार दिउँसो ५ जना पौडी खेल्न गएका रहेछन् । पौडी खेल्न गएकामध्ये २ जनालाई नदीले बगाएको कुमालले बताए ।

बेपत्ता हुनेमध्ये विजय हालै मात्र एसईई परीक्षा दिएर बसेका थिए । घरबाट करिब २ किलोमिटर टाढा मध्यविन्दु नगरपालिका–१२ र १५ को सीमा क्षेत्रमा पर्ने अरुणखोला र नारायणी नदीको संगमस्थल सशलाघाटमा उनीहरु पौडी खेल्न गएका थिए ।

उनीहरु बेपत्ता भएको जानकारी साँझ साढे ६ बजेतिर स्थानीयले प्रहरीलाई दिएका हुन् । राति १२ बजेसम्म उनीहरुको खोजतलास गरेपनि फेला नपरेको प्रहरीले जनाएको छ ।

प्रहरीका अनुसार पुनः आज (बुधबार) बिहानैबाट खोजी थालिएको छ । दुवै बालकका बाबुहरु वैदेशिक रोजगारीका क्रममा विदेशमा रहेको प्रहरीले जनाएको छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.