कोशीमा प्रहरीको श्रीमती संघ र अरिहन्तबीच सीप एवं रोजगार सम्झौता

Share this
751shares
मुलुकी खबर
मुलुकी खबर
clock२०८२ बैशाख ४, बिहीबार ०८:५७

विराटनगर । कोशी प्रदेशमा नेपाल प्रहरी श्रीमती संघ र अरिहन्त मल्टी फाइवर्स लिमिटेडबीच सिप एवं रोजगार सम्झौता भएको छ ।

प्रहरी परिवारको आत्मनिर्भरताका लागि परिवार तथा सन्ततिलाई लक्षित गरेर नेपाल प्रहरी श्रीमती संघ कोशी प्रदेशले सुनसरीको दुहबी नगरपालिका–८ स्थित अरिहन्तसँग बुधबार सम्झौता गरेको हो । सिप र रोजगार सम्झौतापछि तालिमसमेत सुरु गरिएको छ ।

अरिहन्तको समन्वय तथा संघ कोशी प्रदेशको सहकार्यमा प्रहरी कर्मचारीका परिवार तथा सन्ततिलाई आत्मानिर्भर बनाउने उद्देश्यका साथ कोशी प्रदेश प्रहरी प्रमुख डीआईजी राजन अधिकारीको प्रमुख आतिथ्यतामा सम्झौता भएको हो । श्रीमती संघ कोशी अध्यक्ष सुस्मिता केसी अधिकारी र अरिहन्तका कार्यकारी प्रमुख गोविन्दकुमार बजगाईं सिप एवं सम्झौता पत्रमा हस्ताक्षर गरेका छन् ।

हस्ताक्षरलगत्तै डीआईजी अधिकारीले तालिमको शुभारम्भ गरेका हुन् । कार्यक्रममा संघकी अध्यक्ष अधिकारीले अरिहन्तको सहकार्यमा भएको रोजगार सम्झौता तालिमले कोशी प्रदेशमा प्रहरी परिवारलाई रोजगार सिर्जना गरी आत्मनिर्भर बनाउन सहयोग पुग्ने बताइन् ।

उक्त सम्झौता प्रहरी परिवारका लागि कोशेढुंगा सावित हुने उनको भनाइ छ । महिलालाई सुरक्षित रोजगार दिएर ठूलो योगदान पुर्याएको भन्दै अधिकारीले अरिहन्तप्रति विशेष आभार व्यक्त गरिन् ।

कार्यक्रममा सुनसरी प्रहरी प्रमुख एसपी सुमनकुमार तिम्सिना, नेपाल प्रहरी श्रीमती संघ कोशी प्रदेशका पदाधिकारीहरु, अरिहन्त मल्टि फाइवर्स लिमिटेडका पदाधिकारी तथा प्रहरी कर्मचारीहरु उपस्थित थिए ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.