
विराटनगर । झापाको एउटा फनपार्कभित्र करेन्ट लागेर आज (बिहीबार) १ जनाको मृत्यु भएको छ ।
शिवसताक्षी नगरपालिका–९ का ४५ वर्षीय सन्तोष लिम्बूको मृत्यु भएको झापा प्रहरीका प्रवक्ता डीएसपी खगेन्द्रबहादुर खड्काले जानकारी दिए । उनका अनुसार कनकाई नगरपालिका–२ मा रहेको हेपी ल्याण्ड फनपार्कभित्र बिजुली मर्मत गर्ने क्रममा दिउँसो ४ः३० बजेतिर लिम्बूलाई करेन्ट लागेको थियो ।
अचानक करेन्ट लागेर घाइते भएका उनलाई उपचारका लागि कनकाई नगर अस्पताल सुरुंगा पुर्याउनसाथ चिकित्सकले मृत घोषित गरेको खड्काले बताए । लिम्बू सोही फनपार्कभित्र बिजुलीको काम गर्दै आएका थिए । घटनाको अनुसन्धान भइरहेको प्रहरीले जनाएको छ ।

























