
विराटनगर । सुनसरीको दुहबीमा बिहीबार राति मोटरसाइकल दुर्घटना हुँदा चालकको मृत्यु भएको छ ।
दुहबी नगरपालिका–३ फुटानी चोक–वसनपुर भित्री सडक खण्डमा को ३९ प ९१७५ नम्बको मोटरसाइकल राति ९ः४५ बजेतिर आफैं अनियन्त्रित भएर दुर्घटनामा परेको प्रहरीले जनाएको छ । प्रहरीका अनुसार दुर्घटनामा मोटरसाइकल चालक दुहबी–३ का ३७ वर्षीय सुधाकरण माझीको मृत्यु भएको हो ।
दुर्घटनामा परेर गम्भीर घाइते भएका माझीलाई उपचारका लािग विराट शिक्षण अस्पताल पठाइएको थियो । उपचारका क्रममा राति ११ः३० बजेतिर चिकित्सकले मृत घोषित गरेको जानकारी प्रहरीले दिएके छ ।
दुर्घटनाग्रस्त मोटरसाइकल नियन्त्रणमा लिएर प्रहरीले घटनाको अनुसन्धान सुरु गरेको छ । मोटरसाइकलको तीव्र गतिका कारण दुर्घटना भएको प्रारम्भिक अनुसन्धानबाट खुलेको छ ।

























