ईभी गाडी दुर्घटना हुँदा ९ जना घाइते

Share this
717shares
मुलुकी खबर
मुलुकी खबर
clock२०८२ बैशाख ८, सोमबार ०८:५६

विराटनगर । मध्यपहाडी लोकमार्गअन्तर्गत धनकुटाको पाख्रीबास नगरपालिका–५ देवीथानमा ईभी गाडी दुर्घटनामा परेको छ । दुर्घटनामा ९ जना यात्रु घाइते भएका छन् । १ जनाको अवस्था गम्भीर छ ।

भोजपुरबाट यात्रु लिएर सुनसरीको इटहरीतर्फ आउँदै गरेको प्रदेश १–०२–००१ ज ४६२९ नम्बरको ईभी आफैं अनियन्त्रित भएर आइतबार अपरान्ह ४ः३५ बजेतिर सडकबाट करिब २० मिटर तल खसेको थियो । प्रहरीका अनुसार दुर्घटनामा भोजपुरको रामप्रसाद राई गाउँपालिका–१ की ६५ वर्षीया वीरमाया तामाङ गम्भीर घाइते भएकी छन् ।

भोजपुरको टेम्केमैयुङ गाउँपालिका–७ की २९ वर्षीया बेगना चेम्जोङ, ३६ वर्षीय तपिराज राई, रामप्रसाद राई गाउँपालिका–१ का ३६ वर्षीय किशोर तामाङ, भोजपुर नगरपालिका–७ का ४८ वर्षीय प्रवीनकमार सुवाल, झापाको बिर्तामोड नगरपालिका–७ का १६ वर्षीय विश्वास राई, बिर्तामोड–७ का ८५ वर्षीय कृष्णबहादुर राई, संखुवासभाको चैनपुर नगरपालिका–२ का २७ वर्षीय रमेश कार्की, सुनसरीको धरान उपमहानगरपालिका–३ का ३६ वर्षीय चिरञ्जीवी भट्टराई र मोरङको केराबारी गाउँपालिका–३ की २३ वर्षीया सुष्मा तामाङ घाइते भएका छन् । उनीहरु सबैको अवस्था समान्य छ ।

सबै घाइतेहरुको बीपी कोइराला स्वास्थ्य विज्ञान प्रतिष्ठान धरानमा उपचार भइरहेको प्रहरीले जनाएको छ । ईभी चालक धनकुटाको महालक्ष्मी नगरपालिका–९ का ३६ वर्षीय प्रकाश भण्डारीलाई प्रहरीले नियन्त्रणमा लिएर घटनाको अनुसन्धान सुरु गरेको छ । गाडीको तीव्र गतिका कारण दुर्घटना भएको प्रहरीको भनाइ छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.