बारपाक भूकम्पको १ दशक पूरा, स्मृति दिवस मनाइँदै

Share this
738shares
मुलुकी खबर
मुलुकी खबर
clock२०८२ बैशाख १२, शुक्रबार ०६:५४

काठमाडौं । गोरखाको बारपाक केन्द्रबिन्दु भएर विनाशकारी भूकम्प गएको आज (शुक्रबार) १ दशक पूरा भएको छ । बारपाक केन्द्रबिन्दु भएर २०७२ साल वैशाख १२ गते ७ दशमलव ६ म्याग्निच्युडको भूकम्प गएको थियो ।

यद्यपि, त्यसयता सानातिना भूकम्प गइरहेका छन् । रुकुमपूर्वको रन्मामैकोट केन्द्रबिन्दु भएर बिहीबार साँझ ४ दशमलव २ म्याग्निच्युडको भूकम्प गएको छ । राष्ट्रिय भूकम्प मापन तथा अनुसन्धान केन्द्रका अनुसार साँझ ७ः३४ बजेतिर भूकम्प गएको हो । पछिल्लो समय पश्चिम नेपालमा लगातार स-साना भूकम्प गइरहेका छन् ।

गोरखा केन्द्रबिन्दु भएर ठीक १० वर्षअघि गएको विनाशकारी भूकम्पले नेपालमा ठूलो क्षति गरेको थियो । त्यो भूकम्पमा परेर ८ हजार ९ सय ७९ जनाको मृत्यु भएको थियो । २२ हजार ३ सय ९ जना घाइते भएका थिए ।

धेरै सर्वसाधारण घरबारविहीन बने । करोडौंका संरचनामा क्षति पुग्यो । २०७२ को त्यस भूकम्पपछि नेपालले भूकम्पप्रति सचेतना र तयारीमा केही कदम अघि बढाएको भए पनि पछिल्ला समयका साना भूकम्पहरूले जोखिम अझै बाँकी रहेको संकेत दिइरहेका छन् ।

२०८० कात्तिक १७ गते जाजरकोटको बारेकोट केन्द्रबिन्दु भएर ६ दशमलव ४ म्याग्निच्युडको अर्को शक्तिशाली भूकम्प गएको थियो । त्यसयता जाजरकोटलगायत पश्चिम क्षेत्रका थुप्रै ठाउँहरू केन्द्रबिन्दु बनाउँदै स–साना पराकम्पहरू गइरहेका छन् ।

यसैबीच, गोरखा भूकम्पको स्मृति दिवस आज मनाइँदै छ । त्यस अवसरमा देशभर विभिन्न सचेतनामूलक कार्यक्रमहरू आयोजना गरिँदै छ । काठमाडौंको सुन्धारास्थित धरहरा परिसरमा आयोजना गरिने विशेष स्मृति कार्यक्रममा प्रधानमन्त्री केपी शर्मा ओली प्रमुख अतिथि रहने छन् ।

कार्यक्रममार्फत ‘सुरक्षित पूर्वाधार निर्माण गरौं, भूकम्पबाट जोगिऔं’ भन्ने सन्देश दिन लागिएको छ । धरहरा परिसरमा हुने कार्यक्रममा पुनःनिर्माण सम्पन्न संरचनाहरूको अवलोकन, भूकम्पसम्बन्धी जानकारीमूलक प्रदर्शनी र भूकम्प सुरक्षा योजनाहरूका बारेमा छलफलसमेत हुने जनाइएको छ ।

त्यस्तै, विभिन्न सरकारी निकाय, सामाजिक संस्था र स्थानिय तहहरूले जनचेतनामूलक र शिक्षाप्रद कार्यक्रमहरू मार्फत आजको दिनलाई अर्थपूर्ण बनाउन पहल गरेका छन् । विपद् सधैं पूर्वसूचना दिएर नआउने भए पनि तयारी र चेतनाले ठूलो क्षति रोक्न सकिन्छ भनेर जनचेतनामूलक कार्यक्रमहरु हुने गरेका छन् ।

विज्ञहरु भूकम्प स्मृति मात्रै नभएर निरन्तरको जोखिम पनि रहेको बताउँछन् । त्यसैले स्मृति दिवसलाई सिकाइ र सजगताको दिन बनाउन जरुरी रहेको उनीहरुको भनाइ छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.