पहाडमा चट्याङसहित वर्षा र तराईमा तातो लहरको सम्भावना

Share this
716shares
मुलुकी खबर
मुलुकी खबर
clock२०८२ बैशाख १३, शनिबार ०६:३७

काठमाडौं । विभिन्न ३ प्रदेशमा आज (शनिबार) चट्याङसहित वर्षाको सम्भावना रहेको मौसम पूर्वानुमान महाशाखाले जनाएको छ । अत्यधिक गर्मीसँगै तराईका जिल्लामा तातो हावाको लहर चल्न सक्ने पूर्वानुमान गरिएको छ ।

हाल नेपालमा स्थानीय वायुको आंशिक प्रभाव कायमै छ । अधिकांश स्थानहरूमा अधिकतम र न्यूनतम तापक्रम बढिरहेको महाशाखाले उल्लेख गरेको छ । कोशी, गण्डकी, कर्णाली र सुदूरपश्चिम प्रदेशको पहाडी भू–भागमा बिहान आंशिक बदली रही बाँकी भू–भागमा मौसम सफा छ रहेको छ।

कोशी, गण्डकी, कर्णाली र सुदूरपश्चिम प्रदेशका पहाडी भू–भागमा दिउँसो आंशिकदेखि सामान्य बदली रही बाँकी भू–भागमा मौसम सामान्यतया सफा रहने पूर्वानुमान गरिएको छ । कोशी, गण्डकी र कर्णाली प्रदेशका पहाडी भूभागका केही स्थानमा चट्याङसहित हल्का वर्षाको सम्भावना रहेको महाशाखाले उल्लेख गरेको छ ।

गण्डकी र कर्णाली प्रदेशका उच्च पहाडी तथा हिमाली भू–भागका १–२ स्थानमा हिमपातको समेत सम्भावना छ । महाशाखाका अनुसार कोशी, गण्डकी र कर्णाली प्रदेशका केही स्थानमा राति हल्का वर्षा तथा गण्डकी र कर्णाली प्रदेशका हिमाली क्षेत्रमा हल्का हिमपातको सम्भावना छ ।

लुम्बिनी र सुदूरपश्चिम प्रदेशमा तातो हावाको लहर चल्न सक्ने पूर्वानुमान गरिएको छ । यी २ प्रदेशको तराईका भू–भागहरूमा तातो लहरको सम्भावना रहेको हो । मौसमको फेरबदलले जनजीवन प्रभावित हुन सक्ने उल्लेख गर्दै महाशाखाले सतर्कता अपनाउनुपर्नेमा जोड दिएको छ ।

तपाइको प्रतिक्रिया
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
राजबहादुर शाह सर्वाधिक व्यक्तिगत करदाता घोषित
© 2024 Muluki Khabar. All Rights Reserved. Design & Develop By: Indesign Media Pvt. Ltd.