
काठमाडौं । रोजगारीका लागि खाडी मुलुक युनाइटेड अरब इमिरेट्स (यूएई) पुग्ने नेपालीको संख्या ६ लाख पुगेको छ । श्रम स्वीकृति लिएर काम गर्ने नेपालीको संख्या ६ लाख पुगेको हो ।
‘नेपालीका लागि वैदेशिक रोजगारीको प्रमुख गन्तव्य मुलुकको रूपमा रहेको यूएईमा करिब ६ लाख नेपालीले श्रम स्वीकृति लिएर काम गरिरहेको अनुमान छ,” यूएईको अुबुधाबीस्थित नेपाली दूतावासले जारी गरेको विज्ञप्तिमा उल्लेख छ ।
यो भनेको नेपालको कुल जनसंख्याको २.०५ प्रतिशत हो । राष्ट्रिय जनगणना, २०७८ अनुसार नेपालको जनसंख्या दुई करोड ९१ लाख ६४ हजार ५७८ छ ।
पछिल्ला वर्ष वैदेशिक रोजगारीको सिलसिलामा नेपालबाट सबैभन्दा ठूलो संख्यामा युवाहरू यूएई जाने गरेका छन् ।

























