भारतीय ३ वटा कन्टेनरमा साढे ३ करोड बढीको भन्सार छलीका सामान

Share this
650shares
मुलुकी खबर
मुलुकी खबर
clock२०८२ जेठ ५, सोमबार ०६:२४

झापा । झापामा ३ वटा भारतीय कन्टेनरमा साढे ३ करोड बढीको भन्सार छलीका सामान फेला परेको छ । तस्करीका सामानसहित ३ वटा कन्टेनरलाई प्रहरीले नियन्त्रणमा लिएको छ ।

पूर्व–पश्चिम राजमार्गअन्तर्गत बिर्तामोड नगरपालिका–५ बाट आइतबार साँझ भारतबाट काँकडभिट्टा नाका हुँदै नेपाल प्रवेश गरेका कन्टेनर प्रहरीले नियन्त्रणमा लिएको हो । प्रहरीले एनएल ०१ एएच ५६७९, एनएल ०१ एन ९२२३ र एनएल ०२ एल ७४८६ नम्बरका कन्टेनर नियन्त्रणमा लिएर चेकजाँच गरेको थियो ।

चेकजाँचका क्रममा अवैध रूपमा भित्राइएका ३ करोड ६१ लाख रुपैयाँ बराबरको सामान फेला परेको हो । कन्टेनरसहित सामानलाई आवश्यक अनुसन्धान एवं कारबाहीका लागि राजस्व अनुसन्धान कार्यालय इटरीमा बुझाइएको प्रहरीले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.