मधेशका नवनियुक्त मन्त्रीले लिए शपथ

Share this
634shares
मुलुकी खबर
मुलुकी खबर
clock२०८२ जेठ ९, शुक्रबार ०७:५७

जनकपुरधाम । मधेश प्रदेश सरकारको मन्त्रिपरिषद् पुनर्गठन भएको छ । जनमत पार्टीले पुरानालाई फिर्ता बोलाएर नयाँ २ जनालाई मन्त्री बनाएको छ ।

नवनियुक्त मन्त्री वसन्त कुशवाहा र संजय यादवले बिहीबार पद तथा गोपनीयताको शपथ लिएका छन् । कुशवाहाले उद्योग वाणिज्य तथा पर्यटन र यादवले वन मन्त्रीको शपथ लिएका हुन् ।

उनीहरुलाई प्रदेश प्रमुख सुमित्रादेवी भण्डारीले पद तथा गोपनीयताको शपथग्रहण गराइन् । मुख्यमन्त्री सतिशकुमार सिंहले जनमतका २ मन्त्री हेरफेर गर्दै मन्त्रिपरिषद् पुनर्गठन गरेका थिए ।

यसअघि जनमतले त्रिभुवन साहलाई वन र सकील अली मियाँलाई उद्योग मन्त्री बनाएको थियो । पार्टीले भने नियमित प्रक्रिया अनुरुप मन्त्री हेरफेर गरिएको जनाएको छ ।

शपथग्रहण लगत्तै नवनियुक्त मन्त्रीद्वयले मन्त्रालय पुगेर पदभार ग्रहण गरेका छन् । यादव सिरहाबाट निर्वाचित र कुशवाहा समानुपातिक सांसद हुन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.