बलात्कृत आमा !

Share this
759shares
मुलुकी खबर
जुनु राना
clock२०८२ जेठ १७, शनिबार १०:३९

कथन सुनेथें
ती आमाहरुले कि

जब आफू जन्मदाता बन्ने छौ
तब
‘आमा’ हुनुको मर्म बुझ्नेछौ

चट्टान समान शरीर
महिनौंसम्म थेग्नु छ

जब गर्भको अंश बढ्दै जान्छ
तब
नौलो पीडाको आभास बढ्दै जान्छ्
सुन्निएका पैतालाहरु भोग्नु छ
आफ्नै अस्तित्व लुटाएर

अनुहारमा लागेको कालो दाग
हेरेर कुरुप देख्छौ
तर म भित्रको मान्छे हुर्कँदाको खुशी किन देखेनौ?

वेदना समेट्ने ममताको कोख
अनिँदो रात र शरीर फेरिँदै जाँदा
असन्तुलित बन्दै गएको मेरो शरीर
कुरुप मात्रै देख्यौ ।

मभित्र उदाएको सूर्य
म भित्रको धर्ती
र म भित्रको सृष्टि किन देख्दिनौ
म तिम्रो जन्मदाता हो

जसले कसैको हवस पूर्तिको लागि
आफ्नो अस्तित्व जलाएर
गर्भमा जन्म स्वीकारेकी छ

के बलात्कृत हुनु
र कलंकित हुनु कसैको रहर हुन्छ र ?

हो म आज बुझ्न सक्ने भएँ
कि आमा हुनुको अर्थ ?

मैले जान्न सकें
अस्तित्व लुटाएर आमा बन्नुको अर्थ
जो अर्थ तिमीले कहिल्यै बुझ्न सक्दैनौं !!

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.