फाइल फाेटाेविराटनगर । अविरल वर्षाका कारण अवरुद्ध भेडेटार-रवि-राँके सडक फेरि पहिरोले अवरुद्ध भएको छ । धनकुटाको साँगुरीगढी गाउँपालिका–५ लुम्फाजुङमा झरेको पहिरोले भेडेटार-डाँडाबजार सडक मंगलबार बिहानदेखि अवरुद्ध भएको छ ।
शुक्रबार रातिको भारी वर्षाले साँगुरीगढी गाउँपालिका–५ डाँडाबजार, लुम्फाजुङ, कुहिभीर र ढाडेडाँडामा पहिरो गएको थियो । पहिरो पन्छाएर सोमबार अपराह्नदेखि सञ्चालनमा आएको सडक गए राति लुम्फाजुङमा ठूलो पहिरो खसेर अवरुद्ध भएको प्रहरीले जनाएको छ ।
यसैबीच साँगुरीगढी गाउँपालिकाका अध्यक्ष जितेन्द्र रुम्दाली राईले भेडेटार-रवि-राँके सडक अन्तर्गत डाँडाबजार नजिक लुम्फाजुङ्गमा ठूलो पहिरोका कारण अवरुद्ध भएको बताए ।
उनले सडकको पहिरो नहटाउन्जेल वैकल्पिक मार्ग प्रयोग गर्नुपर्ने बताए । निर्माणाधीन भेडेटार–डाँडाबजारको दुरी करिब १२ किलोमिटर छ ।

























