
काठमाडौं । राज्यसत्ता सञ्चारमाध्यम र सञ्चारकर्मीप्रति अनुदार रहेको नेपाली कांग्रेसका नेता डा. शेखर कोइरालाले टिप्पणी गरेका छन् ।
अदालतले दुई अनलाइनमा प्रकाशित समाचार हटाउनका लागि दिएको आदेश र पत्रकारविरुद्ध पक्राउ पुर्जी जारी भएको विषयमा उनले सञ्चारकर्मी र वाक स्वतन्त्रतामाथि राज्यको प्रहार सह्य नहुने बताए ।
सरकार कुशासनको दुश्चक्रमा फसेको उनको आरोप थियो ।
कोइरालाले सामाजिक सञ्जाल मार्फत सरकारलाई भनेका छन्,‘सञ्चारमाध्यम र सञ्चारकर्मीप्रति अनुदार हुनु निरंकुशता बाहेक अरू केही हुनै सक्दैन ।’
























