सुनसरीमा सर्पले टोकेर बालिकाको मृत्यु

Share this
645shares
मुलुकी खबर
मुलुकी खबर
clock२०८२ असार ८, आइतबार ११:४०

सुनसरी । सुनसरीमा सर्पले टोकेर बालिकाको मृत्यु भएको छ । कोशी गाउँपालिका–८ का मोहमद कासिमकी छोरी १२ वर्षीया नविजन खातुनको मृत्यु भएको प्रहरीले जनाएको छ ।

प्रहरीका अनुसार आफ्नै घरको आँगनमा खेल्ने क्रममा बालिकाको दाहिने खुट्टाको घुँडामुनि सर्पले टोकेको थियो । बालिकालाई कुन प्रजातिको सर्पले टोकेको हो भनेर यकिन भइसकेको छैन ।

सर्पले टोकेर घाइते भएकी बालिकालाई उपचारका लागि इनरुवा अस्पताल लगिएको थियो । त्यहाँबाट थप उपचारका लागि विराटनगरको कोशी अस्पताल पुर्याइयो ।

उपचारकै क्रममा शनिबार दिउँसो ३ः४० बजेतिर मृत्यु भएको प्रहरीले जनाएको छ । प्रहरीले घटनाको अनुसन्धान सुरु गरेको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.