
काठमाडौं । प्रधानमन्त्री केपी शर्मा ओलीले आफ्नो स्पेन भ्रमणबारे सोमबार संसदलाई जानकारी गराएका छन् ।
संयुक्त राष्ट्रसंघको विकासका लागि वित्तसम्बन्धी चौथो अन्तर्राष्ट्रिय सम्मेलनमा सहभागी भएर स्पेनको औपचारिक भ्रमणबाट फर्किएपछि ओलीले प्रतिनिधिसभालाई भ्रमणबारे जानकारी दिएका हुन् । प्रधानमन्त्री ओली असार १४ गते स्पेनको औपचारिक भ्रमणमा गएर यही असार २० गते स्वदेश फर्किएका थिए ।
प्रधानमन्त्रीले विदेश भ्रमण पूर्व र स्वदेश फर्किएपछि सदनलाई जानकारी दिने संसदीय अभ्यास छ। सम्मेलनमा आफ्नो सहभागीताले अन्तर्राष्ट्रिय मञ्चमा नेपालको छवि अभिवृद्धि हुनुको साथै नेपालको वैदेशिक सम्बन्ध र संयुक्त राष्ट्रसंघको सहकार्य अझ बलियो हुने विश्वास प्रधानमन्त्रीको छ ।
























