चलचित्र पत्रकार संघ झापाको अधिवेशन कात्तिकमा

झापा । चलचित्र पत्रकार संघ झापाको अधिवेशन कात्तिकमा हुने भएको छ । संघको बुधबार बसेको बैठकले कात्तिकमा जिल्ला अधिवेशन गर्ने निर्णय गरेको हो ।

अधिवेशनको अवसरमा झापामा रहेर चलचित्र क्षेत्रमा योगदान पुर्‍याउने २ जना पत्रकारलाई सम्मान गर्ने संघले जनाएको छ ।

संघका अध्यक्ष रमेश तिवारीका अनुसार १ जनालाई ११ हजार १ सय ५१ रुपैयाँ र अर्को १ जनालाई ५ हजार १ सय ५१ रुपैयाँसहित चलचित्र पत्रकारिता प्रोत्साहन पुरस्कार प्रदान गर्ने निर्णय भएको छ ।

त्यस्तै, संघकी सदस्य अस्मिता साँखीलाई संघको कोषाध्यक्षमा चयन गरिएको छ भने सदस्यहरूमा सरोज भट्टराई, सुनिरा मैनाली, भरत प्रसाईं र टीकाराम बास्तोलालाई सर्वसम्मत चयन गरिएको छ ।