सप्तकोशीमा पानीको सतह बढ्दा ३१ वटा ढोका खोलियो 

Share this
741shares
मुलुकी खबर
मुलुकी खबर
clock२०८२ भदौ १६, सोमबार ०९:०३
सप्तकोशीमा पानीको सतह बढ्दा ३१ वटा ढोका खोलियो 

विराटनगर । सप्तकोशी नदीमा पानीको सतह उच्च हुँदै गएपछि कोशी ब्यारेजका ३१ वटा ढोका खोलिएको छ ।

नदीमा पानीको सतह बढ्दै गएपछि सतर्कता अपनाइएको हो । आइतबार राति १० बजे गरिएको जलसतह मापनमा कोशी ब्यारेजमा पानीको प्रवाह प्रतिसेकेन्ड २  लाख २६ हजार ५ सय ६० क्युसेक पुगेको सुनसरी प्रहरीका प्रवक्ता डीएसपी योगराज खतिवडाले जानकारी दिए ।

उनका अनुसार आइतबार दिउँसो २ बजे प्रतिसेकेन्ड १ लाख ७४ हजार ३ सय ७५ क्युसेक पानीको प्रवाह मापन हुँदा ब्यारेजका ५६ ढोकामध्ये २३ ढोका खोलिएको थियो । पछिल्लो मापन अनुसार ३१ ढोका खोलिएको डीएसपी खतिवडाले बताए ।

कोशी ब्यारेजमा पानीको प्रवाह १ लाख ५० हजार क्युसेक नाघेपछि खतराको संकेत स्वरूप रातो बत्ती बाल्ने प्रावधान छ । सोही अनुसार कन्ट्रोल रुमले रातो बत्ती बालिएको जनाएको छ ।

पहाडी भेगमा लगातार भइरहेको वर्षाका कारण जलसतह बढ्दै गएको बताइएको छ । सुरक्षा निकायले जोखिम क्षेत्रका बासिन्दालाई सजक र सतर्क रहन आग्रह गरेको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.