
काठमाडौं । जेनजी आन्दोलनका क्रममा भएका अराजक गतिविधिबारेका फोटो र भिडियो नेपाल प्रहरीले माग गरेको छ। प्रहरीले घटनाको छानबिनका लागि फोटो र भिडियो मागेको हो ।
देशभर भदौ २३ र २४ गते भएको विरोध प्रदर्शन तथा आन्दोलनका क्रममा घटेका विभिन्न अप्रिय घटना, आगजनी, लुटपाट, आम सर्वसाधारणमा त्रास सिर्जना हुने किसिमका अन्य विविध घटनाहरूसँग सम्बन्धित तस्बिर, भिडियो उपलब्ध गराई सहयोग गर्न प्रहरीले अपिल गरेको छ ।
घटनाका सूचना, विभिन्न सामाजिक सञ्जालका लिंक, फोटो र भिडियो पठाई सहयोग गर्नेको गोपनीयता कायम राख्ने प्रहरीले जनाएको छ।























