सैनिक ब्यारेकबाट निवर्तमान मन्त्रीहरूलाई घर पठाइयो

Share this
683shares
मुलुकी खबर
मुलुकी खबर
clock२०८२ भदौ २८, शनिबार १९:५१

काठमाडौं । जेनजी आन्दोलनका कारण नेपाली सेनाले सुरक्षामा रहेका निवर्तमान मन्त्रीहरूलाई क्रमशः घर पठाउन सुरु गरिएको छ ।

आन्दोलन चर्किएपछि तत्कालीन प्रधानमन्त्री केपी शर्मा ओलीसहित मन्त्रीपरिषद्का सबै सदस्य र पार्टी प्रमुखहरूलाई सेनाले ‘सुरक्षार्थ’ भन्दै नियन्त्रणमा लिएको थियो । उनीहरूलाई छुट्टाछुट्टै गणमा राखिएको थियो ।

भैरवनाथ गणमा राखिएका केही निवर्तमान मन्त्रीहरूलाई शनिबार सेनाले घर पठाएको स्रोतले जनाएको छ । सेनाले नियन्त्रणमा राखेकाहरूमाथि बाहिरी सम्पर्कमा प्रतिबन्ध लगाएको थियो ।

खासगरी मोबाइल फोन प्रयोग गर्न नपाउने व्यवस्था गरिएको थियो । तर, सुशीला कार्कीले प्रधानमन्त्रीको शपथ लिएपछि उनीहरूलाई मोबाइल प्रयोग गर्न अनुमति दिइएको थियो ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.