माओवादी केन्द्रको बैठकमा हंगामा

Share this
812shares
मुलुकी खबर
मुलुकी खबर
clock२०८२ असोज ९, बिहीबार १२:४३

काठमाडौं । नेकपा (माओवादी केन्द्र)को केन्द्रीय समिति बैठक उद्घाटनलगत्तै हंगामा भएको छ । सुरुवातमै नेताहरूबीच तीव्र असहमति र होहल्ला भएपछि पत्रकारलाई बैठक हलबाट बाहिर निकालिएको हो ।

बैठकको सुरुवातमै सुदन किराँती, रञ्जित तामाङसहितका नेताहरूले प्रत्येक केन्द्रीय सदस्यलाई आफ्ना विचार राख्ने अवसर दिनुपर्ने माग अघि सारे । तर, नेतृत्वले भौगोलिक र गैरभौगोलिक समूहमा छलफल गरी टोली नेतामार्फत धारणा राख्ने तयारी गरेको थियो ।

यस प्रावधानको विरोध गर्दै सदस्यहरूले बोल्न पाउनुपर्ने आग्रह गरेपछि बैठक हलमा विवाद र होहल्ला भएको हो । त्यसपछि महासचिव देव गुरुङले पत्रकारलाई रिपोर्टिङ रोक्न र हल बाहिर जान आग्रह गरेका थिए ।

महासचिव गुरुङले बैठकका एजेन्डा पनि प्रस्तुत गरेका छन् । विशेष महाधिवेशन, आसन्न आमनिर्वाचन र पार्टी एकताजस्ता विषय यसपटकको बैठकका प्रमुख एजेन्डा रहेका छन् ।

माओवादी केन्द्रको आन्तरिक मतभिन्नता खुलेर सतहमा आएको यस घटनाले बैठकलाई सुरुवातमै तनावपूर्ण बनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.