प्रधानमन्त्री सुशीला कार्कीकाे सल्लाहकारमा ३ जना नियुक्त

Share this
691shares
मुलुकी खबर
मुलुकी खबर
clock२०८२ असोज १३, सोमबार १९:५२
प्रधानमन्त्री सुशीला कार्कीकाे सल्लाहकारमा ३ जना नियुक्त

काठमाडौं । अन्तरिम सरकारकी प्रधानमन्त्री सुशीला कार्कीले आफ्नो स्वकीय सचिवालयमा ३ जना सल्लाहकार नियुक्त गरेकी छन् ।

प्रधानमन्त्री पदमा बहाल भएको ३ साता बित्न लाग्दासमेत मन्त्रिपरिषद्लाई पूर्णता दिन नसकेको अवस्थामा उनले सचिवालयलाई भने सुदृढ बनाउँदै सल्लाहकार टिम विस्तार गरेकी हुन् ।

प्रधानमन्त्रीको मुख्य सल्लाहकारमा अजयभद्र खनाल नियुक्त भएका छन् । खनाल लामो समय पत्रकारितामा सक्रिय रहेका थिए ।

त्यसैगरी, सल्लाहकार तथा प्रमुख स्वकीय सचिवमा आदर्शकुमार श्रेष्ठ नियुक्त भएका छन् । कानुनका विद्यार्थीसमेत रहेका श्रेष्ठले न्यायपालिकामा लामो समय काम गरेका छन् ।

उनले ३ जना पूर्वप्रधान न्यायाधीश रामकुमार साह, कल्याण श्रेष्ठ र सुशीला कार्कीकै निजी सहायकको रूपमा कार्य अनुभव हासिल गरिसकेका छन् ।

यस्तै, जनसम्पर्क सल्लाहकारमा गोविन्दनारायण तिमिल्सिना नियुक्त भए । उनी  ‘थापा फाउन्डेसन’ का अध्यक्षसमेत हुन् ।

सो संस्था विवेकशील नेपाल पार्टीका संस्थापक दिवंगत उज्ज्वल थापाको सम्झनामा स्थापना गरिएको हो ।

प्रधानमन्त्री कार्कीले मन्त्रालय गठनमा ढिलाइ भइरहे पनि सचिवालयलाई व्यवस्थित गर्दै आफ्नो कार्यशैलीलाई प्रभावकारी बनाउन सल्लाहकार नियुक्ति गरेको बताइएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.