बुझ्नेले आमा पुज्छन्, नबुझ्नेलाई मन्दिर चाहिन्छ

सबैले पाउँदैनन् बुबा आमा तकदिर चाहिन्छ
बुझ्नेले आमा पुज्छन् नबुझ्नेलाई मन्दिर चाहिन्छ

बाँचुन्जेल दुई छाक खान धौधौ भएर मर्छन् यहाँ,
कस्तो बिडम्बना हो यो श्राद्ध गर्न खिर चाहिन्छ

धेरै भयो ओठमा एक खिल्ली हाँसो च्याप्न नसेकेको,
सजिलै रुन सक्दिन त्यसैले तिम्रो तस्वीर चाहिन्छ

मूल्य बाँसुरीको हैन धुनको हुन्छ स्वादको हैन नुनको हुन्छ,
खास खेल जित्नेलाई हो,मन जित्नेलाई कहाँ अबिर चाहिन्छ