
जनकपुरधाम । मधेशको प्रदेशसभा बैठक चउरमा बसेको छ । उपसभामुख बबिताकुमारी राउत ईशरले प्रदेशसभा प्रांगणकै चउरमा प्रदेशसभा सञ्चालन गरेकी हुन् ।
बैठकमा कांग्रेस संसदीय दलका नेता कृष्णप्रसाद यादवले संसद अधिवेशन बोलाउन प्रस्ताव राखेका थिए । उपसभामुख ईशरले अधिवेशन बोलाउन कर्मचारी नभएको तथा विभिन्न समस्या भएको बताएकी थिइन् ।
पूर्वमुख्यमन्त्री समेत रहेका जसपा संसदीय दलका नेता सरोजकुमार यादवले खुला ठाउँमै प्रदेशसभा बैठक आह्वान गर्न आग्रह गरेका थिए । सोही अनुसार प्रदेशसभा बैठक चउरमै बसेको हो ।
त्यसअघि ७ दलका प्रदेश सांसदहरू १ घण्टाजति प्रदेशसभा भवनको अगाडि प्राङ्गणमा बसेका थिए । पछिल्लो समय मधेशमा राजनीतिक संकट बढ्दो छ ।
























