बढ्न थाल्यो चिसो, सतर्कता अपनाउन आग्रह

Share this
678shares
मुलुकी खबर
मुलुकी खबर
clock२०८२ मंसिर १०, बुधबार ०७:३९

काठमाडौं । देशभर चिसो बढेको छ । तराईका जिल्लामा मौसम परिवर्तनसँगै हुस्सु लाग्न थालेको छ ।

“तराईका केही जिल्लामा हुस्सु लाग्न थालेको छ । तर, विमान उडान र अवतरणमा समस्या हुने गरी बाक्लो हुस्सु भने लागेको छैन,” मौसमविद् हरिप्रसाद दाहाल भन्छन्,‘हुस्सु लाग्न थालेसँगै चिसो भने बढ्न थालेको छ ।”

चिसोबाट बच्न शरीरको सबै भाग ढाक्ने गरी बाक्लो तथा न्यानो लुगा लगाउन स्वास्थ्य तथा जनसंख्या मन्त्रालयले आग्रह गरेको छ । बालबालिका, वृद्धवृद्धा, गर्भवती महिला तथा दीर्घ रोगीहरूलाई चिसोबाट बचाउन विशेष ख्याल गर्नुपर्ने पनि मन्त्रालयले जनाएको छ ।

“आमाको दूध खाने बच्चालाई नियमित रूपमा स्तनपान गराऔँ । तातो तथा पोषिलो झोल पदार्थहरू प्रशस्त मात्रामा सेवन गरौँ । धूमपान तथा मद्यपान नगरौँ,” मन्त्रालयले भनेको छ ।

स्वास्थ्य सम्बन्धी कुनै समस्या जस्तैः ज्वरो आएमा, झाडा पखाला लागेमा, दम बढेमा, खोकी लागेमा, घ्यारघ्यार भएमा, श्वास फेर्न कठिनाई भएमा तुरुन्त स्वास्थ्य संस्थामा सम्पर्क गर्न मन्त्रालयको आग्रह छ ।

सुत्ने कोठामा आगो, हिटर, मकल, कोइला व्रिकेट आदि बालेर झ्याल–ढोका बन्द गरेर नसुत्न पनि मन्त्रालयले सचेत गराएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.