
झापा । झापा को कमल गाउँपालिका–५ पाडाजुँगीमा रहेको शान्त जीवन प्रतिष्ठान सुधार केन्द्रबाट ७ जना पुरुषहरू शुक्रवार साँझ करिब सात बजेतिर फरार भएका छन् ।
उनीहरू मुख्य गेटको पर्खाल नाघेर भागेको प्रहरीले जनाएको छ । फरार हुनेमा दमक, कमल र गौरादह नगरपालिकाका विभिन्न उमेर समूहका व्यक्तिहरू छन् ।
घटनालगत्तै केन्द्रका कर्मचारीले प्रहरीलाई जानकारी दिएपछि इलाका प्रहरी कार्यालय दमकबाट प्रहरी निरीक्षक बालकुमार नेवारको कमाण्डमा टोली खटिएर अहिले फरार व्यक्तिहरूको खोजी कार्य तीव्र पारिएको छ ।

























