एमालेको राष्ट्रिय महाधिवेशन : आजबाट बन्दसत्र

Share this
665shares
मुलुकी खबर
मुलुकी खबर
clock२०८२ मंसिर २८, आइतबार ०७:४६

काठमाडौं । नेपाल कम्युनिष्ट पार्टी (एमाले)को ११औँ राष्ट्रिय महाधिवेशनमा आजबाट बन्दसत्र  सुरु हुँदैछ । शनिबार भक्तपुरको सल्लाघारस्थित मैदानमा भव्य रुपमा उद्घाटन भएको थियाे । महाधिवेशनको बन्दसत्र काठमाडौंको भृकुटीमण्डपमा हुनेछ ।

उद्घाटनमा देशभरबाट आएका एमालेका नेता तथा कार्यकर्ता एवं शुभेच्छुकको उल्लेखनीय सहभागिता थियाे । तीनदिने महाधिवेशनको उद्घाटन पार्टी अध्यक्ष केपी शर्मा ओलीले गरे ।

महाधिवेशनमा दुई हजार २६२ प्रतिनिधिको सहभागिता रहेको छ । बन्दसत्रबाट एमालेले आगामी पाँच वर्षका लागि पार्टीको नयाँ नेतृत्व चयन गर्नेछ ।

देशभरका करिब साढे ६ लाख सदस्यबाट छनोट भएका दुई हजार दुई सय ६२ जना प्रतिनिधिले नयाँ नेतृत्व चयन हुनेछ । एक अध्यक्ष, महासचिव एक, तीन उपाध्यक्ष, तीन उपमहासचिव र सात सचिवसहित २५१ सदस्यीय केन्द्रीय कमिटी चयन गर्नेछन् । नेतृत्वका लागि केपी शर्मा ओली र इश्वर पाेखरेलले प्यानल बनाउने तयारी गरेका छन् । नेतृत्व चयनका लागि सहमतिको प्रयास भइरहेको एमालेले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.