रवि लामिछानेको राहदानी विवाद: आज सर्वोच्चमा सुनुवाइ

Share this
697shares
मुलुकी खबर
मुलुकी खबर
clock२०८२ पुस २, बुधबार १०:५१

काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्धको राहदानी दुरुपयोगसम्बन्धी मुद्दामा आज (बुधबार) सर्वोच्च अदालतमा सुनुवाइ हुँदैछ। लामिछानेविरुद्ध राहदानी कसुरमा मुद्दा चलाउनुपर्ने माग गर्दै युवराज पौडेल (सफल) ले दायर गरेको रिटमा आजका लागि पेसी तोकिएको हो।

२०७९ चैत ६ गते महान्यायाधिवक्ताको कार्यालयले लामिछानेविरुद्ध राहदानी प्रकरणमा मुद्दा नचलाउने निर्णय गरेको थियो। प्रहरी र सरकारी वकिलको कार्यालयको प्रतिवेदनका आधारमा गरिएको उक्त निर्णय ‘कानुनविपरीत र दुराग्रहपूर्ण’ रहेको दाबी गर्दै पौडेलले सर्वोच्चमा चुनौती दिएका थिए।

अमेरिकी नागरिक कायम रहँदै नेपाली राहदानी लिनु राहदानी ऐन, २०२४ को दफा ५(ख) विपरीतको कसुर भएको रिटमा जिकिर गरिएको छ। लामिछानेको ‘अपराधिक मनसाय’ नरहेको भनी महान्यायाधिवक्ताले आफ्नो क्षेत्राधिकार बाहिर गएर व्याख्या गरेको निवेदकको दाबी छ। लामिछानेले सो राहदानी कुन-कुन समयमा र के प्रयोजनका लागि प्रयोग गरे भन्ने विवरण अध्यागमन विभागबाट मगाउन माग गरिएको छ।

मुद्दाको अन्तिम किनारा नलागेसम्म लामिछानेलाई नेपाली नागरिकका रूपमा राजनीतिक अधिकार प्रयोग गर्न नदिन निर्वाचन आयोग लगायतका विपक्षीका नाममा अन्तरिम आदेश जारी गर्न समेत माग गरिएको छ। लामिछानेले अमेरिकी नागरिकता त्यागेपछि पुनः नेपाली नागरिकता लिने प्रक्रियामा रहेको समयमा पुरानै नागरिकताका आधारमा नेपाली राहदानी लिएको विषय नै यो विवादको केन्द्रमा छ। आज हुने सुनुवाइले यो मुद्दा अगाडि बढ्ने वा नबढ्ने भन्नेबारे महत्वपूर्ण निर्णय लिने अपेक्षा गरिएको छ।

तपाइको प्रतिक्रिया
घाटा हुने देखिए पनि निगमले पेट्रोलियम पदार्थको मूल्य यथावत राख्ने
नेपाल फुटबल लिग सञ्चालन गर्न राखेपको अनुमति
कांग्रेसको ‘हामी तयार छौँ’ अभियान सुरु हुँदै
विवादमा तानिएका न्यायाधीश फुयाल नियमित काममा फर्किंदै
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
© 2024 Muluki Khabar. All Rights Reserved. Design & Develop By: Indesign Media Pvt. Ltd.