कोशीमा ३५ लाख ७४ हजार मतदाता: १,९०७ मतदान स्थल

Share this
743shares
मुलुकी खबर
मुलुकी खबर
clock२०८२ पुस २८, सोमबार १५:३०

विराटनगर । निर्वाचन आयोगले आगामी फागुन २१ गते हुने प्रतिनिधिसभा सदस्य निर्वाचनमा भौतिक सुरक्षासँगै डिजिटल माध्यमबाट फैलिन सक्ने मिथ्या सूचनालाई प्रमुख चुनौतीका रूपमा लिएको छ। विराटनगरमा आयोजित निर्वाचन सञ्चालन तथा व्यवस्थापन अभिमुखीकरण कार्यक्रममा आयोगका सचिव कृष्णबहादुर राउतले यस्तो बताएका हुन्।

सामाजिक सञ्जालमार्फत फैलाइने अफवाह र गलत सूचना रोक्न नेपाली सेना, नेपाल प्रहरी र दूरसञ्चार प्राधिकरणको प्राविधिक टोलीले आयोगमै बसेर काम गरिरहेको सचिव राउतले जानकारी दिए। आयोगले फेसबुक र एक्स (ट्विटर) जस्ता प्लेटफर्मसँग समेत समन्वय गरी गलत सूचना नियन्त्रणका लागि पहल गरिरहेको छ।

आयोगका अनुसार माघ २ गते देशभर निर्वाचन अधिकृतको कार्यालय स्थापना हुनेछ। १६५ वटै निर्वाचन क्षेत्रका लागि बजेट स्वीकृत भइसकेको छ भने जिल्ला निर्वाचन कार्यालयहरूलाई ३७ प्रकारका सामग्री खरिद गर्ने अख्तियारी समेत दिइएको छ।

कोशी प्रदेशका प्रमुख सचिव राजेन्द्रकुमार पौडेलले भौगोलिक विकटता र खुल्ला सिमानासँगै सामाजिक सञ्जालको सुरक्षा यसपटकको मुख्य चुनौती रहेको उल्लेख गरे। २८ निर्वाचन क्षेत्र रहेको कोशी प्रदेशमा ३५ लाख ७४ हजारभन्दा बढी मतदाता छन्, जसका लागि १ हजार ९०७ मतदान स्थल र ४ हजार २७० मतदान केन्द्र कायम गरिएको छ।

दुई दिने अभिमुखीकरण कार्यक्रममा निर्वाचनसँग सम्बन्धित संवैधानिक व्यवस्था, सुरक्षा व्यवस्थापन, मतदाता शिक्षा र मतगणना प्रक्रियाका विषयमा कार्यपत्र प्रस्तुत गरी अभ्यास गराइने छ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.