
काठमाडौँ । युवा तथा खेलकुदमन्त्री बब्लु गुप्ताले आफ्नो पदबाट राजीनामा दिएका छन्। आगामी निर्वाचनमा राष्ट्रिय स्वतन्त्र पार्टी (रास्वपा) को तर्फबाट उम्मेदवारी दिने तयारी गरेसँगै उनले मन्त्री पद छाडेका हुन्।
उम्मेदवारी दर्ता गर्नुअघि नै मन्त्री पदबाट अलग हुनुपर्ने कानुनी प्रावधान र राजनीतिक नैतिकताका कारण उनले यो निर्णय लिएका हुन्।
राजीनामाबारे जानकारी दिँदै मन्त्री गुप्ताले आफूले प्रधानमन्त्रीलाई यसबारे जानकारी गराइसकेको बताएका छन्। प्रधानमन्त्रीबाट राजीनामा स्वीकृतिको प्रक्रिया मात्र बाँकी रहेको उल्लेख गर्दै उनले अब आफ्नो सम्पूर्ण ध्यान निर्वाचनमा केन्द्रित हुने स्पष्ट पारे।
उनी जेन–जी हरूको प्रतिनिधिको रूपमा सुशीला कार्की नेतृत्वको सरकारमा सहभागी भएका थिए। अब उनी चुनावी मैदानमा होमिएर पुनः जनमत लिने तयारीमा छन्।

























