झापामा १८ जनाको स्वतन्त्र उम्मेदवारी

Share this
703shares
मुलुकी खबर
मुलुकी खबर
clock२०८२ माघ ७, बुधबार १०:३५

झापा । आगामी निर्वाचनका लागि झापाका विभिन्न निर्वाचन क्षेत्रबाट १८ जनाले स्वतन्त्र उम्मेदवारी दर्ता गराएका छन्। जिल्लाभरका कुल ९० उम्मेदवारमध्ये २० प्रतिशत हिस्सा स्वतन्त्र उम्मेदवारको देखिएको छ। निर्वाचन क्षेत्रगत आधारमा हेर्दा सबैभन्दा बढी क्षेत्र नम्बर ५ बाट १० जनाले स्वतन्त्र रूपमा मनोनयन दर्ता गराएका छन्।

स्वतन्त्र उम्मेदवारी दिनेहरूमध्ये वरिष्ठ कानुनविद् प्रा.डा. युवराज संग्रौलाले झापा क्षेत्र नम्बर २ बाट मनोनयन दर्ता गराएका छन्। उनले आफू हारजितको परम्परागत खेलभन्दा माथि उठेर नयाँ विचार र अभियान स्थापित गर्न मैदानमा उत्रिएको बताए। उनले आफ्नो उम्मेदवारीलाई एउटा वैचारिक आन्दोलनको रूपमा व्याख्या गरे।

यसैगरी, राजवंशी समाज विकास समितिका अध्यक्ष अभय राजवंशीले झापा क्षेत्र नम्बर ३ बाट स्वतन्त्र उम्मेदवारी दिएका छन्। उनले आदिवासी समुदायको अधिकार, पहिचान र राजनीतिक स्वाभिमानको मुद्दालाई मुख्य एजेन्डा बनाएर आफू निर्वाचनमा होमिएको बताए।

क्षेत्रगत विवरण अनुसार क्षेत्र नम्बर १ बाट दुर्गाबहादुर साँवा लिम्बू र गणेशकुमार पोखरेलले उम्मेदवारी दिएका छन्। क्षेत्र नम्बर २ मा डा. संग्रौलासहित पुण्यप्रसाद आचार्य र रमेशकुमार कार्की मैदानमा छन् भने क्षेत्र नम्बर ३ बाट अभय राजवंशी र मानबहादुर संग्रौलाले मनोनयन भरेका छन्। यस्तै क्षेत्र नम्बर ४ बाट साजन माझीले उम्मेदवारी दिएका छन्।

सबैभन्दा धेरै स्वतन्त्र उम्मेदवार रहेको क्षेत्र नम्बर ५ मा प्रकाश नेपाल, मातृका भट्टराई, शोभा भण्डारी, अर्जुन सापकोटा, खेमनाथ शिवाकोटी, डम्बर शाह, पुष्कर खतिवडा, रन्जना गौतम र विपुल गुरागाँई रहेका छन्। जिल्लामा राजनीतिक दलका उम्मेदवारसँगै स्वतन्त्र उम्मेदवारहरूको यो उपस्थितिले चुनावी प्रतिस्पर्धालाई थप बहुआयामिक बनाउने देखिएको छ।

तपाइको प्रतिक्रिया
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.