‘देश अझै संकटमा, दुर्घटना टरिसकेको छैन’

काठमाडौं । नेपाली कम्युनिस्ट पार्टी (नेकपा)का संयोजक पुष्पकमल दाहाल ‘प्रचण्ड’ले देश अझै पनि गम्भीर संकटमा रहेको बताएका छन् ।

ओखलढुंगामा शुक्रबार आयोजित कार्यक्रममा उनले भने, ‘बलियो राष्ट्रिय शक्ति निर्माण गर्न नसके र दह्रो एकता जनतामा पैदा गर्न नसके फेरि पनि दुर्घटना हुनसक्छ । दुर्घटना अब पूरै टरीसक्यो भन्ने अवस्था छैन ।’ प्रचण्डले देशलाई अनिष्टबाट जोगाउने जिम्मेवारी सबैले लिनुपर्ने र त्यसका लागि एकताको अभियान सुरु गरिएको बताए ।

Advertisement

त्यस्तै, नेकपाका सहसंयोजक माधवकुमार नेपालले नयाँ पुस्ताले राजनीति र समाजमा भएका विकृती र विसंगतिहरूलाई अन्त्य गर्नुपर्नेमा जोड दिए । उनले भने, ‘जनचाहना र नयाँ पुस्ताको अपेक्षाअनुसार राजनीति र समाजमा भएका असंगतिहरूलाई समाप्त पार्ने काम गर्नेछौं ।’