सम्पत्ति शुद्धीकरण निवारण राष्ट्रिय दिवस मनाइँदै

Share this
733shares
मुलुकी खबर
मुलुकी खबर
clock२०८२ माघ १४, बुधबार ०६:११

काठमाडौं । माघ १४ गते अर्थात् बधुबार देशभर विभिन्न कार्यक्रमको आयोजना गरी पहिलोपटक सम्पत्ति शुद्धीकरण निवारण राष्ट्रिय दिवस मनाइँदैछ ।

सम्पत्ति शुद्धीकरण अनुसन्धान विभागका अनुसार अर्थमन्त्री रामेश्वर खनालको उपस्थितिमा कार्यक्रम आयोजना गरी दिवस मनाउन लागिएको हो । विभागका महानिर्देशक गजेन्द्र ठाकुरले सम्पत्ति शुद्धीकरण (मनी लाउण्डरिङ) निवारण ऐन, २०६४ जारी भएको दिनको स्मरणमा प्रत्येक वर्ष माघ १४ गते राष्ट्रिय दिवस मनाउने निर्णय कार्यान्वयनमा ल्याइएको जानकारी दिए ।

उनका अनुसार अवैध रूपमा आर्जन गरिएको सम्पत्तिलाई वैध देखाउने गतिविधि नियन्त्रण गर्ने, वित्तीय प्रणालीलाई पारदर्शी बनाउने र सुशासन प्रवर्धन गर्ने उद्देश्यका साथ यो दिवसलाई महत्वका साथ मनाउन थालिएको हो । मन्त्रिपरिषद्ले २०८१ पुस १६ गतेको निर्णयमार्फत माघ १४ गतेलाई हरेक वर्ष सम्पत्ति शुद्धीकरण निवारण राष्ट्रिय दिवसका रूपमा मनाउने औपचारिक निर्णय गरेको थियो ।

सोही निर्णयअनुसार यस वर्ष पहिलोपटक राष्ट्रिय स्तरमै दिवस मनाउन लागिएको विभागले जनाएको छ । सम्पत्ति शुद्धीकरण अनुसन्धान विभागका अनुसार दिवसको अवसरमा सचेतनामूलक कार्यक्रम, सरोकारवाला निकायबीच अन्तरक्रिया तथा वित्तीय अनुशासन र कानुनी पालना सम्बन्धी सन्देश प्रवाह गर्ने गतिविधिहरू सञ्चालन गरिँदैछन् ।

अवैध आर्थिक गतिविधिले राज्यको अर्थतन्त्र, सामाजिक न्याय र सार्वजनिक विश्वासमा गम्भीर असर पार्ने भएकाले यसविरुद्ध प्रभावकारी नियन्त्रण र समन्वय आवश्यक रहेको विभागको धारणा छ । सरकारले पछिल्लो समय सम्पत्ति शुद्धीकरण तथा आतंकवादी गतिविधिमा वित्तीय सहयोग नियन्त्रणलाई प्राथमिकतामा राख्दै कानुनी, संस्थागत र प्रविधिगत सुधारमा जोड दिँदै आएको छ ।

राष्ट्रिय दिवसको माध्यमबाट आमनागरिक, निजी क्षेत्र र सरोकारवाला निकायलाई कानुनको पालना एवं जिम्मेवारीप्रति थप सचेत गराउने अपेक्षा गरिएको छ ।

तपाइको प्रतिक्रिया
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.