निर्वाचन सामग्रीमा स्वदेशी प्राथमिकता

Share this
731shares
मुलुकी खबर
मुलुकी खबर
clock२०८२ माघ १५, बिहीबार ०७:१७

काठमाडौं । निर्वाचन आयोगले आगामी प्रतिनिधिसभा सदस्य निर्वाचनलाई मितव्ययी, पारदर्शी र जिम्मेवार बनाउने उद्देश्यसहित सामग्री प्रयोगमा नयाँ नीति अघि सारेको छ ।

आयोगले सकेसम्म नेपालमै उत्पादित सामग्री प्रयोग गर्ने निर्णय गर्दै स्वदेशी उत्पादनको प्रयोग र प्रोत्साहनलाई निर्वाचन व्यवस्थापनको मूल आधार बनाएको हो । निर्वाचन आयोगका अनुसार निर्वाचन प्रक्रियामा कुल ५१ प्रकारका सामग्री प्रयोग हुन्छन् ।

तीमध्ये ३७ प्रकारका सामग्री प्रदेश र जिल्लास्तरबाटै विकेन्द्रीकृत रूपमा खरिद गरी प्रयोग गर्ने व्यवस्था मिलाइएको छ । यसले एकातिर खर्च नियन्त्रणमा सहयोग पुर्‍याउने र अर्कोतिर स्थानीय बजार तथा उत्पादनलाई प्रत्यक्ष लाभ पुग्ने आयोगको अपेक्षा छ ।

केन्द्रस्तरबाट १४ प्रकारका सामग्री खरिद गरिँदैछ । तीमध्ये अधिकांश सामग्री ‘जिटुजी’ अवधारणाअनुसार साल्ट ट्रेडिङ कम्पनीमार्फत खरिद गर्ने जिम्मेवारी दिइएको निर्वाचन आयोगका प्रवक्ता नारायणप्रसाद भट्टराईले जानकारी दिए ।

उनका अनुसार निर्वाचनका लागि जम्मा ६ करोड ७५ लाख रुपैयाँ बराबरको मात्र नयाँ सामग्री खरिद गरिएको छ भने बाँकी आवश्यक सामग्री अघिल्ला निर्वाचनबाट बाँकी रहेको स्टकलाई पुनः प्रयोगमा ल्याइएको छ । आयोगले यस कदमलाई निर्वाचन खर्च घटाउने, सार्वजनिक स्रोतको सदुपयोग गर्ने र निर्वाचनप्रति जनविश्वास बलियो बनाउने प्रयासका रूपमा लिएको छ ।

स्वदेशी सामग्रीको प्रयोगले आयातमा निर्भरता घटाउने र राष्ट्रिय अर्थतन्त्रमा सकारात्मक सन्देश जाने आयोगको बुझाइ छ । आगामी फागुन २१ गते हुने निर्वाचनको अन्तिम तयारीमा आयोग केन्द्रित छ । आयोग मतदान प्रक्रिया निष्पक्ष, विश्वसनीय र खर्चिलो नहोस् भन्ने लक्ष्यसहित अघि बढिरहेको जानकारी भट्टराईले दिए ।

तपाइको प्रतिक्रिया
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.