प्रहरीको रासनमा १० प्रतिशत वृद्धि

Share this
719shares
मुलुकी खबर
मुलुकी खबर
clock२०८२ माघ १७, शनिबार ०६:५९

काठमाडौं । ४ वर्षयता स्थिर रहेको नेपाल प्रहरीको रासनमा १० प्रतिशत वृद्धि गरिएको छ । आगामी १ फागुनदेखि लागू हुने गरी मन्त्रिपरिषद् बैठकले रासन स्केल र दैनिक रकम बढाउने निर्णय गरेको हो ।

सरकारका प्रवक्तासमेत रहेका गृहमन्त्री ओमप्रकाश अर्यालले मन्त्रिपरिषद्का निर्णय सार्वजनिक गर्दै करिब ८० हजार प्रहरी कर्मचारी लाभान्वित हुने जानकारी दिए । नेपाल प्रहरीका केन्द्रीय प्रवक्ता तथा डीआईजी अविनारायण काफ्लेका अनुसार समग्रमा रासन रकममा औसत १० प्रतिशत वृद्धि भएको हो ।

जिल्लागत महँगीअनुसार रासन रकम फरक–फरक रहने व्यवस्था यथावत् छ । काठमाडौंमा कार्यरत प्रहरीले हाल दैनिक २०१ रुपैयाँ २५ पैसा रासन पाउँदै आएका थिए ।

अब १ फागुनदेखि यो रकम बढेर २२१ रुपैयाँ ९२ पैसा पुग्नेछ । झापामा कार्यरत प्रहरीले पाउने दैनिक रासन १८० रुपैयाँ ५५ पैसाबाट बढेर १९९ रुपैयाँ १० पैसा हुनेछ ।

सबैभन्दा बढी रासन पाउने हुम्लाको उत्तरी भेगमा कार्यरत प्रहरीले अब दैनिक ९५२ रुपैयाँ ३६ पैसा पाउने छन् । हाल ८६५ रुपैयाँ ६५ पैसा छ ।

रासनको परिमाण र पोषण मूल्य पनि बढाइएको छ । दैनिक चामल ६९० ग्रामबाट ७२० ग्राम पुर्‍याइएको छ भने क्यालोरी ४०३०.५ बाट बढेर ४३६४ पुगेको छ ।

यसअघि २०७८ सालमा रासन १५ प्रतिशत बढेको थियो । त्यसयता ४ वर्षपछि पुनः वृद्धि गरिएको हो । यसपटक रासनमा अन्डा, मासु र हाई इनर्जी बिस्कुटसमेत थपिएका छन् ।

अब नेपाल प्रहरीका कर्मचारीले रासनमा १९ प्रकारका सामग्री पाउने छन् । दैनिक २५ ग्राम मासु, एउटा अन्डा र हाई इनर्जी बिस्कुट थपिएसँगै अन्य सुरक्षा निकायसँग रहेको रासन असमानताको गुनासोसमेत सम्बोधन भएको छ ।

प्रहरी महानिरीक्षक दानबहादुर कार्कीले लामो समयदेखि उठ्दै आएको जायज माग सम्बोधन भएको भन्दै यसले प्रहरीको मनोबल सुदृढ हुने बताएका छन् । सरकारको यो निर्णय प्रहरी संगठनका लागि महत्वपूर्ण उपलब्धि मानिएको छ ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.