बालेन शाहको घरमा चोरी: सीसीटीभी र धाराका टुटी समेत लगे

Share this
698shares
मुलुकी खबर
मुलुकी खबर
clock२०८२ माघ १७, शनिबार १०:४६

काठमाडौँ। काठमाडौँ महानगरपालिकाका पूर्वमेयर एवं रास्वपाका वरिष्ठ नेता बालेन शाहको मण्डिखाटारस्थित घरमा चोरी भएको छ। बालेन र उनकी पत्नी घरमा नभएको मौका छोपी चोरहरूले धनमाल चोरेका हुन्। शुक्रबार साँझ बालेनका मामा ससुराका छोरा घर पुग्दा मूल ढोका फोडिएको र सामानहरू तितरबितर भएको देखेपछि चोरी भएको रहस्य खुलेको हो। उनी नियमित रूपमा घरमा बत्ती बाल्ने र बिरुवामा पानी हाल्न जाने गर्थे।

प्रहरीका अनुसार चोरहरूले घरमा जडान गरिएका २–३ वटा सीसीटीभी क्यामेरा, फुटेज रेकर्ड हुने डीभीआर मेसिन र बाथरुम तथा भान्साका धाराका टुटीहरू समेत चोरेर लगेका छन्। अन्य के–कति सामान चोरी भयो भन्नेबारे विवरण खुल्न बाँकी छ। घटनाको जानकारी पाएलगत्तै उपत्यका अपराध अनुसन्धान कार्यालय, महाराजगञ्ज प्रहरी वृत्त र जिल्ला प्रहरी परिसर काठमाडौंको टोली अनुसन्धानमा खटिएको छ। अपराध अनुसन्धान कार्यालयका एसएसपी सन्तोष खड्काले एक इन्स्पेक्टरको नेतृत्वमा विशेष टोली बनाएर अनुसन्धान भइरहेको बताए।

प्रहरीको प्रारम्भिक अनुमान अनुसार माघ १४ गतेदेखि शुक्रबार साँझको बीचमा चोरहरू पर्खाल नाघेर घरभित्र प्रवेश गरेका हुन्। सीसीटीभी नै उखेलेर लैजानुले यो काम ‘प्रोफेसनल’ चोरहरूको समूहले गरेको हुन सक्ने प्रहरीको भनाइ छ। प्रहरीले शंकास्पद व्यक्तिहरूको खोजी कार्य तीव्र पारेको छ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.