प्रचण्डलाई पक्राउ गर्न माग गर्दै दायर रिटमा आज सुनुवाइ

Share this
686shares
मुलुकी खबर
मुलुकी खबर
clock२०८२ पुस २१, सोमबार ११:४१

काठमाडौँ । सर्वोच्च अदालतले नेपाल कम्युनिष्ट पार्टीका संयोजक पुष्पकमल दाहाल ‘प्रचण्ड’ विरुद्धको रिटमा सुनुवाइका लागि आज (सोमबार) पेसी तोकेको छ। न्यायाधीशद्वय मनोजकुमार शर्मा र सुनिलकुमार पोखरेलको संयुक्त इजलासमा यो मुद्दाको सुनुवाइ हुने तय भएको हो।

रामेछापका ज्ञानेन्द्रराज आरण र कल्याण बुढाथोकी सहित २४ जना द्वन्द्वपीडितहरूले २०७९ फागुन २३ गते यो रिट दर्ता गराएका थिए। निवेदकहरूले प्रचण्डले २०७६ माघ १ गते काठमाडौँमा आयोजित एक कार्यक्रममा सशस्त्र द्वन्द्वका क्रममा मारिएका १७ हजारमध्ये ५ हजारको जिम्मेवारी आफूले लिने भनी दिएको सार्वजनिक अभिव्यक्तिका आधारमा उनलाई पक्राउ गरी अनुसन्धान गर्न माग गरेका छन्।

सुरुमा सर्वोच्च प्रशासनले यो मुद्दा ‘संक्रमणकालीन न्याय’ सँग सम्बन्धित भएको भन्दै दर्ता गर्न अस्वीकार गरेको थियो। तर पछि सर्वोच्चको आदेशपछि मात्र रिट दर्ता भएको हो। पीडितहरूले आफ्नो परिवारका सदस्यहरूको हत्यामा प्रचण्डको नैतिक र प्रत्यक्ष जिम्मेवारी रहेको दाबी गर्दै फौजदारी कानुनबमोजिम कारबाही प्रक्रिया अघि बढाउन माग गरेका छन्।

यस मुद्दाको सुनुवाइले नेपालको शान्ति प्रक्रिया र द्वन्द्वकालीन मुद्दाहरूको निरुपणमा दूरगामी प्रभाव पार्ने देखिएको छ। आजको इजलासले गर्ने आदेश वा फैसलामा सबैको चासो केन्द्रित रहेको छ।

तपाइको प्रतिक्रिया
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.