चलचित्र पत्रकार सिटौलाको निधन

Share this
674shares
मुलुकी खबर
मुलुकी खबर
clock२०८२ माघ १८, आइतबार १४:२८

काठमाडौँ । चलचित्र पत्रकार दिनेश सिटौलाको ४३ वर्षको उमेरमा निधन भएको छ। मस्तिष्कघात (ब्रेन ह्यामरेज) का कारण उपचाररत सिटौलाको आइतबार दिउँसो १२:४५ बजे काठमाडौँको ग्रान्डी अन्तर्राष्ट्रिय अस्पतालमा निधन भएको अस्पतालले पुष्टि गरेको छ।

राष्ट्रिय स्वतन्त्र पार्टी (रास्वपा) का वरिष्ठ नेता तथा आगामी निर्वाचनका लागि प्रधानमन्त्रीका उम्मेदवार बालेन्द्र शाह (बालेन) को चुनावी प्रचारका क्रममा अछाम पुगेका सिटौला शुक्रबार बिहान एक्कासि बेहोस भएर ढलेका थिए।

अछाममा प्रारम्भिक उपचारपछि उनलाई नेपाली सेनाको हेलिकप्टरमार्फत काठमाडौँ ल्याएर ग्रान्डी अस्पतालको भेन्टिलेटरमा राखी उपचार भइरहेको थियो। चिकित्सकका अनुसार उनलाई ‘एन्युरिज्म रप्चर’ (मस्तिष्कको नसा फुट्ने समस्या) भएको थियो।

सिटौलाको पार्थिव शरीरलाई अन्तिम श्रद्धाञ्जलीका लागि आजै दिउँसो २:३० देखि ३:०० बजेसम्म चलचित्र विकास बोर्डको प्राङ्गणमा राखिने कार्यक्रम छ। त्यसपछि आजै पशुपति आर्यघाटमा उनको अन्त्येष्टि गरिने परिवारले जनाएका छन्।

सिटौला करिब दुई दशकदेखि चलचित्र पत्रकारितामा सक्रिय थिए। उनी चलचित्र पत्रकार सङ्घका निवर्तमान अध्यक्ष र अनलाइन पोर्टल ‘द सिनेमा टाइम्स’ का सञ्चालक तथा सम्पादक समेत हुन्। अविवाहित रहेका सिटौलाका बुबा, एक दिदी र दुई दाजुभाइ छन्।

 

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.