भद्रपुरमा मोटरसाइकलको ठक्करबाट खरेलको मृत्यु, चालकसहित २ जना घाइते

Share this
670shares
मुलुकी खबर
मुलुकी खबर
clock२०८२ माघ १९, सोमबार ०६:२०
फाइल फोटो ।

विराटनगर । झापाको भद्रपुरमा मोटरसाइकलको ठक्करबाट आइतबार साँझ १ जनाको मृत्यु भएको छ । मोटरसाइकल चालकसहित २ जना घाइते भएका छन् ।

बनियानी पक्की सडक खण्डअन्तर्गत भद्रपुर नगरपालिका–२ सगरमाथा चोकमा साँझ ६ः२० बजेतिर दुर्घटना भएको हो । बनियानीबाट पृथ्वीनगरतर्फ जाँदै गरेको मे ७ प २०३४ नम्बरको मोटरसाइकलले पैदलयात्री भद्रपुर–२ का ६४ वर्षीय कुलप्रसाद खरेललाई ठक्कर दिएको थियो ।

गम्भीर घाइते भएका खरेललाई उपचारका लागि ओमसाई पाथीभरा अस्पताल पुर्याउँदा चिकित्सकले मृत घोषित गरिदिएको झापा प्रहरीका प्रवक्त डीएसपी खगेन्द्रबहादुर खड्काले बताए । शवलाई पोस्टमार्टमका लागि मेची प्रादेशिक अस्पताल भद्रपुरमा राखिएको छ ।

दुर्घटनामा मोटरसाइकल चालक भद्रपुर–६ का २१ वर्षीय अनुराग घोष र पछाडि सवार २१ वर्षीय मन्दीप दंगाल घाइते भएका छन् । घाइतेमध्ये मोटरसाइकल चालक घोषको अवस्था गम्भीर रहेको प्रहरीले जनाएको छ ।

उनको ओमसाई अस्पतालमै उपचार भइरहेको छ । दंगालको अवस्था भने सामान्य रहेको छ । मोटरसाइकललाई नियन्त्रणमा लिएर प्रहरीले घटनाको अनुसन्धान गरिरहेको छ ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.