वैदेशिक हुलाक भन्सारका अधिकृतसहित ३ कर्मचारी घुससहित पक्राउ

Share this
701shares
मुलुकी खबर
मुलुकी खबर
clock२०८२ माघ १९, सोमबार १२:०४

काठमाडौं। त्रिभुवन अन्तर्राष्ट्रिय विमानस्थलको वैदेशिक हुलाक भन्सार शाखामा कार्यरत तीन कर्मचारी घुस रकमसहित पक्राउ परेका छन्। अख्तियार दुरुपयोग अनुसन्धान आयोगको टोलीले हुलाक भन्सार अधिकृत इन्द्र न्यौपाने, नायब सुब्बा छवि प्रसाद रिजाल र कार्यालय सहयोगी गणेश प्रसाद पुडासैनीलाई आइतबार डिल्लीबजारस्थित गोश्वारा हुलाक कार्यालयबाट नियन्त्रणमा लिएको हो।

कुरियर कम्पनीमार्फत विदेश पठाउने सामान सहज गरिदिने बहानामा कर्मचारीहरूले सेवाग्राहीसँग घुस माग्ने गरेको सूचनाका आधारमा अख्तियारले छापा मारेको थियो। पक्राउ परेकामध्ये कार्यालय सहयोगी पुडासैनीको साथबाट घुसको १० हजार र स्रोत नखुलेको १ लाख ३६ हजार ४२० गरी कूल १ लाख ४६ हजार ४२० रुपैयाँ बरामद भएको छ। यस्तै, निकासी शाखाका नासु रिजालको साथबाट घुस बापतको २० हजार र स्रोत नखुलेको २ लाख ६८ हजार २८८ रुपैयाँ फेला परेको अख्तियारले जनाएको छ।

अख्तियारको टोलीले पक्राउ परेका कर्मचारीहरूको साथबाट २३ थान मोबाइल फोन समेत बरामद गरेको छ। उनीहरूले लामो समयदेखि वैदेशिक पार्सल पठाउने क्रममा मिलेमतो गरी अवैध असुली गरिरहेको प्रारम्भिक अनुसन्धानबाट खुलेको छ। पक्राउ परेका तीनै जनालाई हिरासतमा राखी थप अनुसन्धान अघि बढाइएको छ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.