दुर्घटनामा २ जनाको मृत्यु

Share this
695shares
मुलुकी खबर
मुलुकी खबर
clock२०८२ माघ १९, सोमबार १७:३९

विराटनगर । कोशी प्रदेशको खोटाङ र मधेश प्रदेशको सप्तरीमा सोमबार छुट्टाछुट्टै दुर्घटनामा परेर २ जनाको मृत्यु भएको छ । दुर्घटनामा मोटरसाइकल र स्कुटर चालकको मृत्यु भएको हो ।

खोटाङको हलेसी तुवाचुङ नगरपालिका–१ अन्तर्गत दौत्यखोलास्थित सडकमा कदुवाबाट ओखलढुंगातर्फ जाँदै गरेको मोटरसाइकल अनियन्त्रित भई दुर्घटनामा परेको हो । बा.प्र ०२–०२९ प ९७२७ नम्बरको मोटरसाइकल सोमबार दुर्घटनामा पर्दा चालक ओखलढुंगाको मानेभञ्ज्याङ गाउँपालिका–३ का ३५ वर्षीय मोतीराज राई गम्भीर घाइते भएका थिए ।

दुर्घटनापछि उनलाई तत्काल उपचारका लागि रुम्जटार अस्पताल लगिएको थियो । तर, उपचारकै क्रममा राईको मृत्यु भएको प्रहरीले जनाएको छ ।

यसैबीच, सप्तरीको सुरुङ्गा नगरपालिका–४ कनकपुरस्थित सडकमा ट्रक र स्कुटर ठोक्किँदा अर्को दुर्घटना भएको छ । ना ५ ख ८५८० नम्बरको ट्रकले प्रदेश ०५–००१ प ६८७३ नम्बरको स्कुटरलाई सोमबार दिउँसो ठक्कर दिँदा स्कुटर चालक उदयपुरको त्रियुगा नगरपालिका–४ का ३२ वर्षीय रूपक बस्नेत गम्भीर घाइते भएका थिए । उनलाई उपचारका लागि प्रादेशिक अस्पताल लहान सिराहामा भर्ना गरिएको भए पनि उपचारकै क्रममा मृत्यु भएको प्रहरीले जनाएको छ ।

दुर्घटनापछि ट्रक चालकलाई प्रहरीले नियन्त्रणमा लिएको छ भने घटनाको विस्तृत अनुसन्धान भइरहेको बताइएको छ । दुर्घटनाको कारण खुल्न बाँकी रहेको र घटनाको थप अनुसन्धान भइरहेको प्रहरीको भनाइ छ ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.