६ वटा प्रदेशमा वर्षा र हिमपातको संकेत

Share this
740shares
मुलुकी खबर
मुलुकी खबर
clock२०८२ माघ २०, मंगलबार ०६:५६

काठमाडौं । देशका विभिन्न भू–भागमा आज (मंगलबार) मौसममा आंशिक परिवर्तन देखिने भएको छ ।

मौसम पूर्वानुमान महाशाखाका अनुसार पश्चिमी न्यूनचापीय प्रणालीको आंशिक प्रभावका कारण ६ वटा प्रदेशका केही स्थानमा वर्षा र हिमपातको सम्भावना रहेको छ । दिउँसो देशका हिमाली तथा पहाडी भू–भागमा साधारणतया बदली रहने अनुमान गरिएको छ ।

तराईका अधिकांश स्थानमा भने आंशिक बदली रहनेछ भने मौसम मुख्यतया सफा नै रहने महाशाखाको भनाइ छ । गण्डकी, कर्णाली र सुदूरपश्चिम प्रदेशका उच्च पहाडी तथा हिमाली क्षेत्रका केही स्थानमा मध्यम खालको हिमपात र वर्षा हुन सक्ने सम्भावना छ ।

यसका साथै बाँकी हिमाली भू–भागका थोरै स्थानमा पनि यस्तै खालको मौसम देखिन सक्ने अनुमान गरिएको छ । गण्डकी, कर्णाली र सुदूरपश्चिम प्रदेशका पहाडी भू–भागका केही स्थानमा हल्का वर्षा हुन सक्ने सम्भावना रहेको छ ।

त्यस्तै, कोशी, बागमती, लुम्बिनी प्रदेशका उच्च पहाडी भू–भागका १–२ स्थानमा पनि हल्का वर्षा हुन सक्ने महाशाखाले जनाएको छ । राति हिमाली भू–भागमा सामान्यतया बदली रहनेछ ।

गण्डकी, कर्णाली, लुम्बिनी र सुदूरपश्चिम प्रदेशसहित बाँकी प्रदेशका पहाडी भू–भागमा आंशिक बदली रहने अनुमान गरिएको छ । तराईका भू–भागमा भने राति पनि मौसम प्रायः सफा नै रहनेछ ।

विभागका अनुसार देशका उच्च पहाडी तथा हिमाली भू–भागका थोरै स्थानमा राति पनि मध्यम हिमपात र वर्षाको सम्भावना छ । हाल सक्रिय पश्चिमी न्यूनचापीय प्रणालीकै कारण यस्तो मौसम अवस्था देखिन लागेको मौसमविद्हरूले बताएका छन् ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.