निर्वाचन सुरक्षाका लागि सशस्त्र प्रहरीमा बिदा र राजीनामा बन्द

Share this
670shares
मुलुकी खबर
मुलुकी खबर
clock२०८२ माघ २०, मंगलबार १७:१७

काठमाडौँ । आगामी फागुन २१ गते हुने प्रतिनिधिसभा निर्वाचनलाई मध्यनजर गर्दै सशस्त्र प्रहरी बल नेपालले आफ्ना कर्मचारीहरूका लागि बिदा, राजीनामा र रवानामा पूर्ण रोक लगाएको छ। ‘प्रतिनिधिसभा सदस्य निर्वाचन एकीकृत सुरक्षा योजना २०८२’ बमोजिम निर्वाचनमा अधिकतम जनशक्ति परिचालन गर्नुपर्ने भएकाले सशस्त्र प्रहरी मुख्यालयले माघ १९ गतेदेखि लागू हुने गरी यस्तो निर्णय गरेको हो।

सशस्त्र प्रहरीका सह-प्रवक्ता डीएसपी शैलेन्द्र थापाका अनुसार निर्वाचन अवधिभर कर्मचारीहरूको राजीनामा स्वीकृत नगर्न, अन्य कार्यालयमा सरुवा भई जाने कार्य (रवाना) रोक्न र अति आवश्यक बाहेकका कुनै पनि बिदा स्वीकृत नगर्न सबै कार्यालयहरूलाई परिपत्र गरिएको छ। निर्वाचनलाई निष्पक्ष र भयरहित वातावरणमा सम्पन्न गराउन सुरक्षा जनशक्तिलाई पूर्ण रूपमा तयारी अवस्थामा राख्न यो कदम चालिएको हो।

हाल सशस्त्र प्रहरी बलमा करिब ३७ हजार जनशक्ति कार्यरत रहेकोमा निर्वाचन सुरक्षाका लागि मात्रै ३५ हजार सुरक्षाकर्मी खटाउने तयारी गरिएको छ। यसका अतिरिक्त, ४० दिनको कार्यअवधि तोकेर भर्ना गरिएका १५ हजार ११० जना निर्वाचन प्रहरीलाई समेत सशस्त्र प्रहरीकै मातहतमा रहने गरी परिचालन गरिनेछ।

निर्वाचन सुरक्षालाई मजबुत बनाउन यस पटक नेपाली सेना, नेपाल प्रहरी, सशस्त्र प्रहरी, राष्ट्रिय अनुसन्धान विभाग र निर्वाचन प्रहरी गरी कुल ३ लाख ३८ हजार सुरक्षाकर्मी परिचालन गरिँदै छ। निर्वाचनको मिति नजिकिएसँगै सुरक्षा निकायहरूले आफ्नो आन्तरिक व्यवस्थापन र गस्तीलाई थप तीव्र बनाएका छन्।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.