निर्वाचन अवधिमा सवारीसाधनमा कडाइ, आयोगले ल्यायो नयाँ नियम

Share this
740shares
मुलुकी खबर
मुलुकी खबर
clock२०८२ माघ २२, बिहीबार ०६:१६

काठमाडौं । निर्वाचन आयोगले आगामी दिनमा हुने निर्वाचनलाई लक्षित गर्दै प्रचारप्रसार र मतदान अवधिमा सवारीसाधनको प्रयोग व्यवस्थित गर्न ‘सवारीसाधनको अनुमतिसम्बन्धी कार्यविधि, २०८२’ जारी गरेको छ ।

आयोगका अनुसार निर्वाचनलाई मर्यादित र निष्पक्ष बनाउन सवारीसाधनको प्रयोगलाई स्पष्ट मापदण्डभित्र राख्न यो व्यवस्था गरिएको हो । कार्यविधिअनुसार राजनीतिक दल, उम्मेदवार वा उनका प्रतिनिधिले निर्वाचन प्रयोजनका लागि सवारीसाधन प्रयोग गर्न सम्बन्धित निर्वाचन अधिकृतबाट अनिवार्य रूपमा अनुमतिपत्र लिनुपर्नेछ ।

प्रतिनिधिसभाका उम्मेदवारले बढीमा २ वटा हलुका सवारीसाधन प्रयोग गर्न पाउनेछन् भने स्थानीय तह निर्वाचनमा पदअनुसार १ वा २ वटा सवारीसाधनको सीमा तोकिएको छ । सवारी सञ्चालन नहुने क्षेत्रमा घोडा प्रयोग गर्न सकिने व्यवस्था पनि गरिएको छ ।

मौन अवधिमा कुनै पनि सवारीसाधन प्रयोग गर्न नपाइने र अनुमति नलिई वा मौन अवधिमा सवारी प्रयोग गरेमा त्यस्ता सवारीसाधन नियन्त्रणमा लिइने प्रावधान कार्यविधिमा राखिएको छ । मतदानको दिन अनुमति प्राप्त सवारीसाधनबाहेक अन्य सवारी सञ्चालन गर्न निषेध गरिएको छ ।

एम्बुलेन्स, दमकल, खानेपानी ट्यांकर, अस्पताल सेवा, दूरसञ्चार र विद्युत् सेवाजस्ता अत्यावश्यक सेवाका सवारीसाधन तथा कूटनीतिक नियोगका सवारीसाधनलाई भने अनुमति लिन नपर्ने आयोगले जनाएको छ । आयोगका अनुसार नयाँ कार्यविधिले निर्वाचन अवधिमा सवारीसाधनको दुरुपयोग रोक्दै मतदानका लागि शान्त र स्वच्छ वातावरण बनाउन सहयोग गर्ने अपेक्षा गरिएको छ ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.