
काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछाने निर्वाचन प्रचारका लागि चितवन पुगेका छन् । बिहीबार दिउँसो उनी बुद्ध एयरको विमानमार्फत भरतपुर विमानस्थल हुँदै चितवन पुगेका हुन् ।
लामिछानेका स्वकीय सचिव अविनाश आचार्यका अनुसार, उनले चितवनको लंकु लक्ष्मीनारायण मन्दिरमा स्वस्तिशान्ति पूजा गर्नेछन् । त्यसपछि भरतपुरको विशालचोकस्थित निवासमा गृहप्रवेशको कार्यक्रम तय छ ।
फागुन २१ गते हुने प्रतिनिधिसभा सदस्य निर्वाचनकेन्द्रित घरदैलो कार्यक्रमका निम्ति लामिछाने चितवन पुगेका हुन् । लामिछाने चितवन क्षेत्र नम्बर–२ बाट उमेदवार छन् ।
माघ ५ गते जनकपुरको कार्यक्रममा सहभागी भएका उनको खुट्टामा चोट लागेपछि उनी आराम गर्दै थिए ।
























