तोकिएकै समयमा चुनाव हुन्छ, आशंका नगर्नुस् : प्रधानमन्त्री

Share this
739shares
मुलुकी खबर
मुलुकी खबर
clock२०८२ माघ २२, बिहीबार १९:२६

काठमाडौँ । अन्तरिम सरकारकी प्रधानमन्त्री सुशीला कार्कीले आगामी फागुन २१ गतेका लागि तय गरिएको प्रतिनिधिसभा निर्वाचन तोकिएकै मितिमा हुने बताएकी छन्। बिहीबार भक्तपुरस्थित जनक शिक्षा सामग्री केन्द्रमा पुगेर मतपत्र छपाइको अनुगमन गरेपछि उनले निर्वाचनको मिति नसर्ने भन्दै सबैलाई ढुक्क हुन आग्रह गरिन्।

सञ्चारकर्मीहरूसँग कुरा गर्दै प्रधानमन्त्री कार्कीले निर्वाचन एकै चरणमा सम्पन्न हुने स्पष्ट पारिन्। उनले निर्वाचनको तयारी अन्तिम चरणमा पुगेको र सुरक्षा व्यवस्था समेत चुस्त बनाइएकाले मतदान प्रक्रियामा कुनै बाधा नआउने बताइन्।

‘निर्वाचन सर्छ कि भन्ने कुनै पनि भ्रममा नपर्नुस्, सरकार तोकिएकै समयमा निष्पक्ष र भयरहित वातावरणमा चुनाव गराउन प्रतिबद्ध छ,’ उनले भनिन्। मौसमको प्रतिकूलताका कारण केही हिमाली जिल्लामा मतदानमा कठिनाइ हुन सक्ने अडकलबाजी भइरहेका बेला प्रधानमन्त्रीले सबै भूगोलमा अनुकूल वातावरण रहने र मतदाताले निर्वाध रूपमा आफ्नो मताधिकार प्रयोग गर्न पाउने विश्वास व्यक्त गरिन्।

प्रधानमन्त्री कार्कीले मतपत्र छपाइ र ढुवानीको कार्य युद्धस्तरमा भइरहेको भन्दै तयारीप्रति सन्तोष व्यक्त गरिन्। उनले युवा पुस्ता र समग्र देशले चाहेको परिवर्तनका लागि यो निर्वाचन एउटा महत्वपूर्ण कोसेढुङ्गा हुने समेत उल्लेख गरिन्।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.