भेडेटार-नाम्जे सडक खण्डमा टाइमकार्ड लागू, दैनिक साढे १० घण्टा सडक बन्द हुने

Share this
744shares
मुलुकी खबर
मुलुकी खबर
clock२०८२ माघ २४, शनिबार १३:५५

धनकुटा । निर्माणाधीन भेडेटार–रवि–राँके सडक अन्तर्गत भेडेटार–नाम्जे खण्डमा सवारी आवागमनका लागि टाइमकार्ड लागू गरिएको छ । थुम्की भीर कटानको काम भइरहेकाले सम्भावित जोखिम कम गर्न र सडक विस्तारलाई तीव्रता दिन निश्चित समयका लागि सवारी साधन सञ्चालनमा रोक लगाइएको हो ।

भारतीय निर्माण कम्पनी एप्को इन्फ्राटेकले साँगुरीगढी गाउँपालिकासँगको समन्वयमा यो व्यवस्था कार्यान्वयनमा ल्याएको बताएको छ । भीर काट्न र ठूला ढुङ्गा फुटाउन भारी उपकरण प्रयोग गर्नुपर्ने भएकाले सुरक्षाका कारण दिनको विभिन्न समयमा सडक पूर्ण रूपमा बन्द रहनेछ ।

तालिका अनुसार बिहान ७ बजेदेखि ९:३० बजेसम्म, १०:३० बजेदेखि दिउँसो १ बजेसम्म र दिउँसो २:३० बजेदेखि ४:३० बजेसम्म सडक बन्द गरिनेछ । त्यसैगरी, साँझ ५ बजेदेखि ६ बजेसम्म र राति ८ बजेदेखि १ बजेसम्म पनि आवागमन ठप्प हुने कम्पनीले जनाएको छ । बाँकी समयमा भने सावधानी अपनाएर सवारी साधन चलाउन अनुमति दिइएको छ ।

साँगुरीगढी गाउँपालिका–६ का वडाध्यक्ष दीपक मगरले सडक निर्माणको कामलाई सहज बनाउन र दुर्घटना रोक्न टाइमकार्डको व्यवस्था अनिवार्य भएको बताए । उनले यात्रु र चालकहरूलाई निर्धारित समय तालिका हेरेर मात्र यात्रा तय गर्न आग्रह गरेका छन् ।

धनकुटाको भेडेटारदेखि पाँचथरको राँकेसम्मको १ सय ३ किलोमिटर लामो यो सडक भारतको एक्जिम बैंकको करिब ३ अर्ब ६५ करोड रुपैयाँ सहुलियतपूर्ण ऋण सहयोगमा निर्माण भइरहेको छ । यो सडक सम्पन्न भएपछि धनकुटा, इलाम र पाँचथरका बासिन्दाको यात्रा निकै सहज हुने विश्वास गरिएको छ ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.