सामाजिक सञ्जाल विधेयक राष्ट्रियसभाबाट फिर्ता

Share this
715shares
मुलुकी खबर
मुलुकी खबर
clock२०८२ माघ २६, सोमबार १७:४९

काठमाडौं । सामाजिक सञ्जालसम्बन्धी विवादास्पद विधेयक अन्ततः राष्ट्रियसभाबाट फिर्ता भएको छ । सोमबार बसेको राष्ट्रियसभा बैठकले सामाजिक सञ्जाल विधेयक, २०८१ फिर्ता लिने सरकारको प्रस्तावलाई सर्वसम्मत रूपमा पारित गरेको हो ।

बैठकमा राष्ट्रियसभा अध्यक्ष नारायण दाहालले विधेयक फिर्ता गर्ने निर्णयलाई निर्णयार्थ प्रस्तुत गरेका थिए । कुनै विरोध नआएपछि सभाले प्रस्तावलाई सर्वसम्मतिले स्वीकृत गर्‍यो ।

यससँगै सामाजिक सञ्जालको नियमनका नाममा ल्याइएको विधेयक संसद्को प्रक्रियाबाट औपचारिक रूपमा हटेको छ । यसअघि माघ २३ गते बसेको राष्ट्रियसभा बैठकमा प्रधानमन्त्रीका तर्फबाट कानुन, न्याय तथा संसदीय मामिलामन्त्री अनिलकुमार सिन्हाले सामाजिक सञ्जाल विधेयक फिर्ता गरियोस् भन्ने प्रस्ताव दर्ता गराएका थिए ।

सरकारको उक्त प्रस्तावमाथि कुनै संशोधन वा असहमति नआएपछि सोमबारको बैठकले त्यसलाई अन्तिम रूप दिएको हो । सामाजिक सञ्जाल विधेयक अभिव्यक्ति स्वतन्त्रता सीमित गर्ने, राज्यलाई अत्यधिक अधिकार दिने र आलोचनात्मक आवाज दबाउने खतरा रहेको भन्दै विभिन्न राजनीतिक दल, सञ्चारकर्मी, नागरिक समाज र अधिकारकर्मीहरूले चर्को विरोध जनाउँदै आएका थिए ।

ती विरोध र दबाबकै बीच सरकारले विधेयक फिर्ता लिने निर्णय गरेको हो । सोही बैठकले पर्यटन विधेयक २०८१ भने पारित गरेको छ । बैठक सुरु हुनुअघि राष्ट्रियसभामा ६ बर्से कार्यकाल पूरा हुन लागेका सदस्यहरूले आफ्नो संसदीय अनुभव, योगदान र सिकाइहरू सदनसमक्ष राखेका थिए ।

यसैबीच, बैठकले राष्ट्रियसभाका पूर्वसदस्य शुक्रराज संयोकको निधनप्रति शोक प्रस्तावसमेत पारित गरेको छ । राष्ट्रियसभा सचिवालयका अनुसार सभाको अर्को बैठक माघ २८ गते बुधबारका लागि बोलाइएको छ ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.